22 September 2020

News Flash

Redmi Note 9 सीरिजमध्ये दाखल होणार अजून एक स्मार्टफोन!

ऑनलाइन इव्हेंटद्वारे होणार लॉन्च...

Redmi Note 9 सीरिजमध्ये 30 एप्रिल रोजी अजून एक नवीन स्मार्टफोन दाखल होणार आहे. Xiaomi ने सोशल मीडियावर याबाबत घोषणा केली आहे. कंपनीचा हा नवा फोन Redmi Note 9 असू शकतो.  गेल्या महिन्यात कंपनीने Redmi Note 9 Pro आणि Redmi Note 9 Pro Max हे फोन लॉन्च केले, त्यावेळीच Redmi Note 9 हा फोनही लॉन्च होण्याची शक्यता वर्तवली जात होती. मात्र, त्यावेळी याबाबत घोषणा करण्यात आली नव्हती.

कंपनीने ट्विटरवर शेअर केलेल्या टीझरनुसार, शाओमी 30 एप्रिल रोजी नवीन रेडमी नोट 9-सीरिज फोन लॉन्च करणार आहे. कंपनी हा फोन एका ऑनलाइन इव्हेंटद्वारे लॉन्च करेल. मात्र, हा फोन कोणता आहे आणि यात कोणते फीचर्स आहेत याबाबत कंपनीने कोणतीही माहिती दिलेली नाही. काही रिपोर्ट्सनुसार शाओमी रेडमी नोट 9 फोन चीनमध्ये Redmi 10X च्या रुपात सादर करण्याची शक्यता आहे. या स्मार्टफोनमध्ये मीडियाटेक हिलियो जी 85 प्रोसेसरसह 6.53 इंचाचा फुल एचडी प्लस डिस्प्ले मिळू शकतो. कंपनी हा फोन क्वॉड रिअर कॅमेरा सेटअप आणि होल-पंच डिस्प्ले डिझाइनसह आणेल अशी चर्चा आहे.

काही दिवसांपूर्वीच शाओमीने रेडमी नोट 9एस हा फोनही लॉन्च केला आहे. त्यानंतर आता रेडमी नोट 9 सीरिजमध्ये कंपनी अजून एक फोन लॉन्च करण्याच्या तयारीत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 27, 2020 3:22 pm

Web Title: xiaomi redmi note 9 series to get a new phone on april 30 it could be redmi note 9 sas 89
Next Stories
1 ‘लॉकडाउन’दरम्यान WhatsApp च्या मदतीने झाली JioMart ची सुरूवात !
2 केंद्र सरकार प्रत्येकाला देणार हजार रुपये?; जाणून घ्या त्या व्हायरल मेसेजमागील सत्य
3 Video: दारुसाठी कायपण… शेजाऱ्यांनी सुरु केला ‘Social Distancing Bar’
Just Now!
X