scorecardresearch

Aadhaar Card Update: आधार कार्डवरचा फोटो बदलायचा आहे? मग करा ‘या’ स्टेप्स फॉलो

आधार कार्डवरील फोटो बदलणे आता शक्य आहे. यासाठीची प्रक्रिया सोप्पी आहे.

Aadhaar Card Update: आधार कार्डवरचा फोटो बदलायचा आहे? मग करा ‘या’ स्टेप्स फॉलो
आधार कार्ड अपडेट (प्रातिनिधिक फोटो)

भारतातील कोणत्याही नागरिकाला स्वतःची ओळख पटवण्यासाठी आधार क्रमांक हा एक महत्त्वाचा दस्तऐवज बनला आहे. १२ अंकी युनिक आयडेंटिफिकेशन नंबर केंद्र सरकारकडून भारतीय नागरिकांना जारी केला जातो. ज्यात त्या व्यक्तीचे नाव, पत्ता, मोबाईल नंबर, फोटो सोबत त्याची बायोमेट्रिक माहिती सुद्धा आहे. जर तुम्हाला आधार कार्डवरचा फोटो आवडत नसेल तर तुम्ही तो बदलू शकता. भारतीय युनिक आयडेंटिफिकेशन अथॉरिटी (UIDAI) ला आधार क्रमांक जारी करणे आणि व्यवस्थापित करण्याची जबाबदारी सोपवण्यात आली आहे.

UIDAI नाव, मोबाईल नंबर, जन्मतारीख, ई-मेल पत्ता आणि फोटो बदलण्यासाठी फक्त ऑफलाइन सुविधा पुरवते. हे ऑनलाइन आणि पोस्ट द्वारे केले जाऊ शकत नाही. सोप्या शब्दात, एखादी व्यक्ती नावनोंदणी केंद्रावर जात असेल तेव्हाच फोटो अपडेट करता येईल. फोटोमध्ये बदल करण्यासाठी तुम्हाला तुमच्या जवळच्या नावनोंदणी केंद्रात जावे लागेल किंवा तुम्ही पोस्ट ऑफिसमध्ये जाऊन हे काम देखील करू शकता.

आधार कार्डमधील फोटो बदलण्याची ही आहे प्रक्रिया

प्रथम तुम्हाला UIDAI वेबसाइट uidai.gov.in वर लॉग इन करावे लागेल आणि आधार नोंदणी फॉर्म डाउनलोड करावा लागेल.

हा आधार नावनोंदणी फॉर्म भरा आणि जवळच्या आधार नावनोंदणी केंद्रावर जमा करा.

आता कर्मचारी तुमचा बायोमेट्रिक तपशील आधार नोंदणी केंद्रात घेतील.

नंतर आधार नावनोंदणी केंद्राचा कर्मचारी तुमचा फोटो घेतील.

आधार नावनोंदणी केंद्राचा कर्मचारी तुमच्या आधार कार्डमधील फोटो २५ रूपये+जीएसटी अशी फी आकारून अपडेट करेल.

आधार नावनोंदणी केंद्राचा कर्मचारी तुम्हाला यूआरएन सोबत एक स्लिप देखील देतील.

तुम्ही तुमचा आधार कार्ड फोटो बदलला आहे की नाही हे तपासण्यासाठी हे यूआरएन वापरू शकता.

आधार कार्ड फोटो अपडेट केल्यानंतर, नवीन फोटोसह अद्ययावत आधार कार्ड यूआयडीएआयच्या वेबसाइटवरून डाउनलोड करता येईल.

 

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 07-09-2021 at 14:54 IST

संबंधित बातम्या