इन्स्टाग्राम वापरताय? मग या फिचरबद्दल जाणून घ्या - Marathi News | All You Need To Know About New Favorites Feature On Instagram

फोटो शेअर करा पण निवडक मित्र मैत्रिणींसोबत

या फिचरच्या माध्यमातून युजर्स आपले फोटो फक्त आणि फक्त खास व्यक्तींसोबत शेअर करू शकतील

इन्स्टाग्राम या फोटो शेअरिंग अॅपला तुफान प्रसिद्धी तरूण वर्गात मिळत आहे. बॉलिवूड, हॉलिवूड स्टारपासून सगळेच इन्स्टाग्राम वापरतात. इतकंच नाही तर या अॅपच्या माध्यमातून अनेकांनी आपल्या उत्पादनांची जाहिरात देखील करायला सुरूवात केलीय. असं हे प्रसिद्ध अॅप नवीन फिचर आणण्याच्या तयारीत आहे. ‘फेव्हरेट’ असं या फिचरचं नाव असू शकतं. या फिचरच्या माध्यमातून युजर्स आपले फोटो फक्त आणि फक्त खास व्यक्तींसोबत शेअर करू शकतील. अनेकदा इन्स्टाग्रामच्या अकाऊंटची सेटींग ही ‘पब्लिक’ असल्याने त्या व्यक्तीला फॉलो करणारी कोणतीही व्यक्ती ते फोटो पाहू शकते किंवा डाऊनलोड करू शकते. पण या फिचरच्या मदतीने युजर्स एखादा फोटो त्यांच्या यादीतल्या काही निवडक मित्र मैत्रिणींसोबत शेअर करू शकतात. जेणेकरून यादीतल्या इतर व्यक्तींना हे फोटो दिसणार नाहीत.

या फोटोंची वेगळी टॅबही इन्स्टाग्रामवर तयार होणार आहे. या फेव्हरेटच्या यादीत युजर्स किती लोकांना अॅड करू शकतात हे मात्र अद्याप समजलं नाही, पण ही यादी तीसच्या आसपास असू शकते असं म्हटलं जातंय. युजर्स आपल्या आवडीप्रमाणे मित्र मैत्रिणींना आपल्या यादीत जोडू किंवा कमी करू शकतात. अर्थात जर एखाद्याला तुम्ही यादीतून बाहेर काढलं तर त्या व्यक्तीला ते समजणार नाही, तेव्हा या बाबतीत तुम्ही निश्चिंत राहू शकता. हे फिचर लवकर इन्स्टाग्रामवर अपडेट होणार आहे. त्यामुळे युजर्सला त्यांची प्रायव्हसी मिळणार आहे.

First published on: 26-06-2017 at 14:14 IST

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: All you need to know about new favorites feature on instagram