आजच्या धावपळीच्या जीवनात आपला चेहरा दररोज धूळ, प्रदूषण, मेकअप आणि रसायनांच्या संपर्कात येतो. या सर्वांमुळे त्वचेची नैसर्गिक चमक कमी होते आणि चेहरा कोरडा व थकलेला दिसतो. महागडे सौंदर्यप्रसाधने वापरूनही तुम्हाला हवी तशी चमक मिळत नाही. पण, घरी उपलब्ध असलेले कच्चे दूध हा एक साधा घटक तुमच्या त्वचेचे सौंदर्य परत आणू शकते. त्याचा नियमित वापर केल्याने चेहऱ्यावरील डाग, टॅनिंग व डाग कमी होतात आणि त्वचा उजळ व मऊ होते. चला तर मग पाहूया दररोज चेहऱ्यावर कच्चे दूध लावण्याचे काय फायदे आहेत आणि ते कसे वापरावे.
चेहऱ्यावर कच्चे दूध लावण्याचे फायदे
कच्च्या दुधाचा वापर नैसर्गिक फेशियल क्लींजर म्हणून करता येतो. त्यातील व्हिटॅमिन बी, व्हिटॅमिन डी, कॅल्शियम व अँटी-बॅक्टेरियल गुणधर्म त्वचेला पोषण देतात आणि तिची नैसर्गिक चमक परत आणतात.
त्वचेला मॉइश्चरायझेशन आणि पोषण देते : कच्चे दूध त्वचेत खोलवर ओलावा पोहोचवते, ज्यामुळे ती मऊ राहते.
मृत त्वचा काढून टाकते: त्यात असलेले लॅक्टिक अॅसिड मृत पेशी काढून टाकते आणि नवीन त्वचा उघड करते.
डाग आणि टॅनिंग कमी करते: नियमित वापरामुळे काळे डाग, टॅनिंग आणि सुरकुत्या कमी होतात.
सुरकुत्या कमी करते : त्यातील पौष्टिक घटक त्वचा घट्ट ठेवतात आणि वृद्धत्वाची लक्षणे कमी करतात.
मुरमांवर नियंत्रण ठेवते: कच्च्या दुधाचे अँटी-बॅक्टेरियल गुणधर्म त्वचेवरील जीवाणू नष्ट करतात आणि मुरमे कमी करतात.
चेहऱ्यावर कच्चं दूध कसं लावावं?
कच्चं दूध आणि हळद
जर तुम्हाला चेहरा खोलवर साफ करायचा असेल, तर दोन चमचे कच्चं दूध घ्या आणि त्यात एक चिमूटभर हळद मिसळा. हे मिश्रण चेहऱ्यावर १५ मिनिटं ठेवा आणि नंतर हलक्या हाताने धुवा. त्वचा स्वच्छ आणि उजळ दिसेल.
कच्चं दूध आणि बेसन
डेड स्किन काढण्यासाठी आणि एक्सफोलिएशनसाठी हा उपाय उत्तम आहे. दोन चमचे कच्चं दूध आणि एक चमचा बेसन एकत्र करून पेस्ट तयार करा. ती चेहऱ्यावर लावून १० मिनिटं ठेवा. त्यानंतर हलक्या हाताने मसाज करून पाण्याने धुवा. त्वचेवर त्वरित चमक येईल.
कच्चं दूध आणि गुलाबपाणी
जर तुम्हाला चेहऱ्यावर ताजेपणा आणायचा असेल, तर दोन चमचे कच्चं दूध आणि एक चमचा गुलाबपाणी मिक्स करा. कापसाने हे मिश्रण चेहऱ्यावर लावा. १० मिनिटांनंतर थंड पाण्यानं चेहरा धुवा. त्यानं त्वचा फ्रेश आणि मॉइश्चरायझड राहील.
कच्चं दूध हे फक्त त्वचेची काळजी घेत नाही, तर नैसर्गिक पद्धतीनं चेहऱ्याला उजळपणा आणि आरोग्य देतं. बाजारातील रसायनयुक्त प्रॉडक्ट्सच्या तुलनेत हा उपाय अधिक सुरक्षित, स्वस्त आणि परिणामकारक आहे. रोजच्या स्किनकेअर रुटीनमध्ये कच्चं दूध समाविष्ट करा आणि काही दिवसांतच तुमच्या चेहऱ्यावरील फरक स्वतः पाहा.
