Benefits of basil leaves in empty stomach: आपल्या आजूबाजूला अनेक नैसर्गिक गोष्टी असतात, ज्यांचे सेवन केल्याने आपल्याला अनेक फायदे मिळतात. परंतु, आपल्याला त्याबद्दल माहिती नसते. कडुलिंब, तुळस आणि मध अशा गोष्टी आहेत ज्या सर्वांना सहज उपलब्ध होऊ शकतात. तुळशीचे धार्मिक महत्त्व आहे, यासह ती आरोग्यासाठी अनेक प्रकारे फायदेशीर आहे. त्याप्रमाणे कडुलिंबामध्येही औषधी गुणधर्म आढळतात. जर या तिन्ही गोष्टी एकत्र करून खाल्ल्या तर आरोग्यासाठी याहून अधिक फायदेशीर काहीच नाही. आयुर्वेदानुसार सकाळी कडुलिंब, तुळस आणि मध खाण्याच्या अनेक फायद्यांबद्दल जाणून घेणार आहोत.
उपाशीपोटी कडुलिंब, तुळस आणि मध खाण्याचे फायदे
सर्दी आणि फ्लूपासून संरक्षण
सकाळी रिकाम्यापोटी कडुलिंब, तुळस आणि मध खाल्ल्याने तुमचा सर्दी आणि फ्लूपासून बचाव होऊ शकतो. कारण कडुलिंब आणि तुळशीमध्ये अँटीऑक्सिडंट आणि टायक्रोबियल गुणधर्म असतात, तर मधामध्ये शांत करणारे गुणधर्म असतात, म्हणून जेव्हा ते एकत्र केले जातात तेव्हा संसर्ग, सर्दी आणि फ्लू विरुद्ध लढण्याची प्रतिकारशक्ती वाढवतात.
शरीरातील विषारी पदार्थ जातात
कडुलिंबाचे सेवन केल्याने शरीरातील विषारी पदार्थ बाहेर पडतात. तुळस यकृतासाठीदेखील फायदेशीर आहे. मध शरीराला हायड्रेट करते. तिन्ही गोष्टी शरीर स्वच्छ ठेवतात.
पचनक्रिया चांगली राहते
तुळस पचनसंस्थेसाठी फायदेशीर आहे. कडुलिंब बॅक्टेरियाशी लढतो आणि मध आतड्यांशी संतुलन राखतो. रिकाम्या पोटी या तिन्हीचे सेवन केल्यास शरीरातील जळजळ कमी होते.
त्वचेचे पोषण होते
रिकाम्या पोटी कडुलिंब, तुळस आणि मध खाल्ल्याने त्वचेचे पोषण होते. कडुलिंबाने अँटीबॅक्टेरियल गुणधर्म, तुळशीचा दाहक विरोधी प्रभाव आणि मधाचे मॉइश्चरायझिंग गुणधर्म मुरुमांपासून बचाव करण्यास मदत करतात आणि त्वचेला चमक देण्यास मदत करतात.
रक्तातील साखरेची पातळी करते स्थिर
कडुलिंब आणि तुळस रक्तातील साखरेची पातळी स्थिर ठेवण्यास मदत करतात. जर मर्यादित प्रमाणात सेवन केले तर ते रिफाइंड साखरेला एक निरोगी पर्याय प्रदान करते.
हिरड्यांचे संक्रमण दूर करते
कडुलिंब आणि तुळस हिरड्यांचे संक्रमण आणि दुर्गंधी टाळतात. मधाचे नियमित सेवन केल्याने तोंडातील अल्सर कमी होतात.
