scorecardresearch

Premium

सेकंड हँड कारची मागणी वाढली! २५ टक्क्यांनी वाढल्या किंमती, जाणून घ्या कारण

गेल्या महिन्यात केवळ नवीन कारच्या उत्पादनावरच परिणाम झाला नाही तर त्यांच्या किरकोळ विक्रीतही घट झाली आहे.

Used-Car

गेल्या चार ते सहा महिन्यांत भारतात सेकंड हँड कारच्या मागणीत लक्षणीय वाढ झाली आहे. त्यामुळे वापरलेल्या गाड्यांच्या किंमतीत २० ते २५ टक्क्यांनी वाढ झाली आहे. हे अशा वेळी घडत आहे जेव्हा ग्लोबल चिपच्या कमतरतेमुळे नवीन कारची बाजारपेठ मंदावली आहे.ऑक्टोबरमध्ये नवीन गाड्यांची निर्मिती झाल्याने विक्रीतही घट झाली आहे. चिपच्या तुटवड्यामुळे वाहन निर्मितीवर परिणाम झाला आहे. या टंचाईमुळे कंपन्यांना मागणीनुसार उत्पादन करता येत नाही. टाटा मोटर्सपासून ते मारुती सुझुकीपर्यंत सर्वच कंपन्यांना याचा फटका बसला आहे. मंद उत्पादनामुळे नवीन वाहनांचा प्रतीक्षा कालावधी वाढला आहे. गेल्या महिन्यात केवळ नवीन कारच्या उत्पादनावरच परिणाम झाला नाही तर त्यांच्या किरकोळ विक्रीतही घट झाली आहे.

टाईम्स ऑफ इंडिया मधील एका बातमीनुसार, उद्योग जगतातील लोक चीपची कमतरता हे सेकंड हँड कारच्या मागणीत वाढ होण्याचे मुख्य कारण मानतात. चिपच्या तुटवड्यामुळे नवीन वाहनांचा प्रतीक्षा कालावधी अनेक महिन्यांनी वाढल्याचे उद्योग क्षेत्रातील लोकांचे म्हणणे आहे.जे ग्राहक आपली कार खरेदी करण्यासाठी एवढी प्रतीक्षा करू शकत नाहीत त्यांच्यासाठी यामुळे समस्या निर्माण होत आहेत. असे ग्राहक सेकंड हँड कारकडे वळत आहेत. यामुळेच गेल्या चार ते सहा महिन्यांत वापरलेल्या कारची मागणी वाढली असून, त्याचा परिणाम त्यांच्या किंमतीवरही झाला आहे.

Solar rooftop electricity connection
सरकारने नियम बदलले, आता सौर पॅनल अन् वीज जोडणी तात्काळ मिळणार
grah gochar march 2024
मार्च महिन्यात ग्रहांचे होणार महागोचर! ‘या’ राशींचे लोक होतील मालामाल! नोकरी-व्यवसायात मिळेल यश
Loss of Rs 3 per liter on sale of diesel to public sector oil distribution companies
डिझेलवर तेल कंपन्यांना लिटरमागे तीन रुपयांचा तोटा; वर्षाहून अधिक काळ टाळलेल्या किंमतवाढीचा परिणाम
study group report recommended many benefits for maharashtra loom owners zws 70
राज्यातील यंत्रमागधारकांच्या प्रलंबित मागण्यांना अभ्यास समितीनकडून न्याय; अनेक चांगल्या शिफारशी 

( हे ही वाचा: Electric Vehicles: फक्त २,५०० रुपयात खासगी चार्जिंग स्टेशन्स, केजरीवाल सरकारचा पुढाकार )

कार्स २४ चे सीईओ कुणाल मुंद्रा, सेकंड हँड कार्सचा व्यवहार करणारी कंपनी सांगतात की, महामारीपासून वापरलेल्या कारची मागणी सातत्याने वाढत आहे. त्या स्वस्त आहेत, त्यामुळे लोक सेकंड हँड कार घेण्यास प्राधान्य देऊ लागले आहेत. सध्या या कारची मागणी सर्वकालीन उच्चांकावर आहे. हॅचबॅक आणि एसयूव्हीकडे लोकांचा कल वाढत आहे. सणासुदीच्या काळात चिपच्या तुटवड्याचा परिणाम नवीन कारच्या उत्पादनावर झाला आहे. त्यामुळे आगामी काळात प्री-ओन्ड कारची मागणी आणखी वाढणार आहे.

( हे ही वाचा: विराट कोहली, रवी शास्त्री आणि भरत अरुण यांचा भावनिक क्षण कॅमेऱ्यात कैद; व्हिडीओ व्हायरल )

जुन्या सीएनजी गाड्यांच्या किंमतीही वाढल्या

वापरलेले कार मार्केटप्लेस स्पिनीचे सीईओ नीरज सिंह म्हणतात की कमी वापरलेल्या कारच्या किंमती २० ते २५ टक्क्यांनी वाढल्या आहेत. वाढलेला प्रतीक्षा कालावधी आणि इंधनाच्या चढ्या किमती यामुळे सेकंड हँड सीएनजी कारच्या चौकशीत लक्षणीय वाढ झाली आहे. वापरलेल्या सीएनजी गाड्यांच्या किमतीही १५ ते २० टक्क्यांनी वाढल्या आहेत. येत्या काही महिन्यांत ही मागणी आणखी वाढण्याची शक्यता आहे.

Latest Comment
View All Comments
Post Comment

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Demand for second hand cars has increased prices go up by 25 per cent find out because ttg

First published on: 09-11-2021 at 18:16 IST

संबंधित बातम्या

तुम्ही या बातम्या वाचल्या आहेत का? ×