डिहायड्रेशनमुळे अभिनेता सेटवरच बेशुद्ध! पण डिहायड्रेशन म्हणजे काय? या सोप्या पद्धतीने ओळखता येईल तुम्हाला त्रास आहे की नाही?

> सामान्यपणे उन्हाळ्यामध्ये शरीरात पाण्याचे प्रमाण झपाट्याने कमी होते. किंवा उष्णता वाढल्यास अथवा शरीराचं तापमान वाढल्यास निर्जलीकरण (डिहायड्रेशन) होऊ लागते.

> डिहाड्रेशनची लक्षणेही ओळखता यायला हवीत. कारण ही लक्षणं दिसली तर व्यक्ती बेशुद्ध पडण्याआधीच त्याचा वेळीच मदत करता येईल. मात्र ही लक्षणे दिसण्याची वेळच आणू नका, असा सल्ला तज्ज्ञ देतात.

> तहान लागणे, तोंड कोरडे पडणे ही प्राथमिक लक्षणं दिसू लागताच पुरेसे पाणी प्यावे. वात येणे, डोकेदुखी, चक्कर आदी त्रासांची वाट न पाहता भरपूर पाणी प्यावे.

> शरीरातून घाम, मूत्र, मल, तसेच उच्छ्वासावाटेही पाणी कमी होत असते. यासह काही प्रमाणात क्षारही बाहेर पडतात.

> ही नैसर्गिक प्रक्रिया असली तरी उन्हाळ्यात किंवा अती धावपळ झाल्यास आणि शरीराचं तापमान वाढल्यास पाण्याचं उत्सर्जन होण्याचा वेग वाढतो. जर पाण्याचे शरीरातील योग्य प्रमाण राखले नाही, तर निर्जलीकरणाचा त्रास सुरू होतो.

> मूत्राचा रंग जर पिवळसर, गडद पिवळा दिसू लागला तर निर्जलीकरणाचे ते प्रमुख लक्षण मानलं जातं.

> शरीरात पाण्याचे योग्य संतुलन राखल्यास लघवीचा रंग फिकट किंवा रंगहीन दिसतो.

> तहान लागण्याची वाट पाहू नका, तुमचे तोंड कोरडे पडते, त्यावेळी तुमच्या शरीरात निर्जलीकरण प्रक्रिया सुरू झाल्याचे समजावे.

> लघवीचा रंगही आपण किती प्रमाणात पाणी प्यावे हे सांगणारा निदर्शक आहे.

> आपली पाण्याची गरज आपल्या वजनावर अवलंबून असते. खेळ, व्यायाम अथवा उन्हात वावर असल्यास अधिक पाण्याची गरज भासते. पाणी पिण्याची सवय लागण्यासाठी पाण्याची बाटली सतत सोबत ठेवा.

> खरबूज, काकडी, टोमॅटो, किलगड खाल्ल्यानेही शरीराला पाणी व उपयुक्त घटक, खनिजे मिळतात. शहाळ्याचे पाणी शरीरात ऊर्जा निर्माण करते.

> लिंबू सरबत, सोलकढी, लस्सी, ताक आणि शुद्ध निरा या पेयांनी शरीरातील पाण्याची गरज तर भागतेच, शिवाय शरीराला ऊर्जा देणारे क्षारही त्यातून मिळतात.