तुमच्या चहामध्ये किती कॅलरीज आहेत? चहाशी संबंधित ‘ही’ गोष्ट जाणून घेणे खूप महत्त्वाचे आहे

दुधाच्या चहामध्ये १०२ कॅलरीज असतात, त्यामध्ये कॅफिनचे प्रमाण ३२-३७ मिलीग्राम असते.

lifestyle
काळ्या चहामध्ये कॅलरीजचे प्रमाण २ असते, तर त्यात फक्त २ मिलीग्राम कॅफिन असते. (फोटो : प्रतिनिधिक)

आपल्या या देशात असे काही चहा प्रेमी आहेत जे दिवसातून फक्त दोनदाच चहा पितात, पण या दोन्ही वेळेस त्यांना चहा हवा असतो म्हणजे ते वगळू शकत नाहीत. पण तुम्हाला माहित आहे का चहा पिण्याचे अनेक फायदे आहेत? हार्वर्ड हेल्थ पब्लिशिंग (HHP) च्या मते, मर्यादित प्रमाणात चहा नियमितपणे प्यायल्याने हृदयरोग, कर्करोग आणि मधुमेह यांसारख्या आजारांचा धोका कमी होतो. तसेच चहामध्ये बहुतेक प्रमाणात पाणी असते. पण काही प्रमाणात कॅफिन देखील आढळते. मेयो क्लिनिकच्या मते, ५०० मिलीग्राम किंवा त्याहून अधिक कॅफीन घेतल्याशिवाय, ड्यूरेटिक (Diuretic) वाढवणारा पदार्थ म्हणून काम करत नाही. दुधाच्या चहामध्ये कॅलरी खूप कमी असते. यावेळी पोषणतज्ञ दिव्या गांधी सांगतात की, दुधाचा चहा सोडला तर बहुतेक चहामध्ये खूप कमी कॅलरीज असतात.

दुधाचा चहा

पोषणतज्ञ दिव्या गांधी यांच्या मते, तुम्ही दररोज २ ते ३ कप दुधाचा चहा पिऊ शकता. पण जर तुम्हाला तुमच्या शरीरातील कॅलरीज कमी करायच्या असतील, म्हणजेच वजन कमी करायचे असेल, तर तुम्ही दुधाच्या चहाचे सेवन न करणेच योग्य ठरेल. दुधाच्या चहामध्ये १०२ कॅलरीज असतात, त्यामध्ये कॅफिनचे प्रमाण ३२-३७ मिलीग्राम असते.

ग्रीन टी आणि ब्लॅक टी

ग्रीन टीबद्दल बोलायचे झाल्यास, त्यात कॅलरीजचे प्रमाण फक्त २ आणि २८ मिलीग्राम कॅफिन असते. तुम्ही दिवसातून ४ ते ५ वेळा ग्रीन टी घेऊ शकता. काळ्या चहामध्ये देखील ग्रीन टी सारख्याच कॅलरीजचे प्रमाण २ असते. परंतु त्यात कॅफिनचे प्रमाण सर्वाधिक असते, ४७ मिग्रॅ. तुम्ही ते दिवसातून ३ ते ४ वेळा पिऊ शकता.

कॅफिन मुक्त चहा सर्वोत्तम आहे

आता काळ्या चहाच्या शौकीन लोकांसाठी बाजारात कॅफीन मुक्त काळा चहा देखील उपलब्ध झाला आहे. कॅफीन नसलेल्या काळ्या चहामध्ये कॅलरीजचे प्रमाण २ असते, तर त्यात फक्त २ मिलीग्राम कॅफिन असते. त्यामुळे तुम्ही आता हा काळा चहा दिवसातून ५ ते ६ कप घेतला जाऊ शकतो.

ग्रीन टी रोगप्रतिकार शक्ती वाढवणारा आहे

पोषणतज्ञ दिव्या गांधी यांच्या मते, ग्रीन टीला रोगप्रतिकारशक्ती वाढवणारे पेय म्हणतात. या ग्रीन टीमध्ये फ्लेव्होनॉइड्स असतात, जे खराब कोलेस्ट्रॉल आणि रक्त गोठण्यास कमी करतात. यामुळे हृदय निरोगी राहते आणि शरीरात सतर्कता वाढते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: How many calories in your tea know this thing from nutritionist scsm

Next Story
VIDEO: अस्वच्छ खोली १५ मिनिटांत चकाचक