How to clean Stomach Naturally: आजच्या धावपळीच्या आयुष्यात, बाहेरचं खाणं-पिणं, ताण आणि व्यस्त जीवनशैलीमुळे झोपेवर वाईट परिणाम होतो. पुरेशी झोप न घेतल्याने शरीरात विषारी घटक म्हणजेच टॉक्सिन जमा होऊ लागतात. यामुळे थकवा, अपचन, हार्मोन्सचे असंतुलन आणि रोगप्रतिकारक शक्ती कमी होणे अशा समस्या निर्माण होतात. कधी कधी ही साधी वाटणारी समस्या गंभीर रूप घेऊ शकते. अशा वेळी शरीर निरोगी ठेवण्यासाठी नैसर्गिक पद्धतीने डिटॉक्स करणे हा उत्तम उपाय मानला जातो. डिटॉक्स केल्याने रक्त शुद्ध होते, पचन सुधारते, झोप चांगली लागते आणि रोगप्रतिकारक शक्ती मजबूत होते.
पोषणतज्ज्ञ लवनीत बत्रा यांच्या मते, काही सोपे घरगुती डिटॉक्स ड्रिंक्स आहारात घेतल्याने शरीरातील विषारी घटक सहज बाहेर टाकता येतात. हे डिटॉक्स ड्रिंक्स घेतल्याने फक्त पचन सुधारत नाही, तर पोट आणि आतड्यांमध्ये साचलेली घाणही लवकर बाहेर पडते.
धणे पाणी (कोथिंबिरीचे पाणी (How to clean Intestine)
कोथिंबिरीत मूत्रल गुण (लघवीचे प्रमाण वाढवणारा पदार्थ) असल्यामुळे ती शरीरातील हानिकारक घटक लघवीतून बाहेर टाकण्यास मदत करते. ती इन्सुलिनचे उत्पादन वाढवते आणि यकृत निरोगी ठेवते. एक चमचा कोथिंबीर रात्रभर एक ग्लास पाण्यात भिजवून ठेवून सकाळी रिकाम्या पोटी प्यायल्यास फायदा होतो.
सफरचंद-दालचिनी पाणी (Stomach Clean Remedy)
सफरचंद आणि दालचिनी मेटाबॉलिझम वाढवतात. दोघांमध्ये अँटिऑक्सिडंट्स आणि फ्लॅव्होनॉइड्स मुबलक प्रमाणात असतात, जे रोगप्रतिकारक शक्ती वाढवतात आणि रक्तातील साखर नियंत्रित ठेवतात. एक ग्लास पाण्यात काही सफरचंदाचे तुकडे आणि एक दालचिनीची काडी टाका, काही तास तसेच ठेवून नंतर प्या.
काकडी-पुदिना-आले-लिंबू पाणी (Gas in stomach)
हे मिश्रण एक नैसर्गिक डिटॉक्सिफायर आहे. लिंबामध्ये स्वच्छ करण्याचे गुण असतात, पुदिना पचन सुधारतो, काकडीचे पाणी शरीरात पाणी टिकवून ठेवते आणि आले रोगप्रतिकारक शक्ती वाढवते. हे सर्व पदार्थ बारीक चिरून पाण्यात टाका, काही तास तसेच ठेवून नंतर प्या.
स्ट्रॉबेरी लिंबूपाणी (Detox Drinks for Stomach)
स्ट्रॉबेरी आणि लिंबाचे पाणी प्यायल्याने शरीर डिटॉक्स होते, दाह कमी होतो आणि पचन सुधारते. स्ट्रॉबेरीमध्ये अँटिऑक्सिडंट्स मुबलक असतात, तर लिंबू पीएच पातळी संतुलित ठेवतो. हे पाणी ३-४ तास भिजवून ठेवा आणि दिवसभर थोडं-थोडं पित रहा.
जिरे पाणी (Stomach Cleaning Foods)
जिऱ्यात अँटिऑक्सिडंट आणि अँटीमायक्रोबियल गुण असतात, जे मेटाबॉलिझम वाढवतात आणि भूक नियंत्रित ठेवतात. हे वजन कमी करण्यासाठी विशेष फायदेशीर आहे. एक चमचा जिरे रात्रभर एका ग्लास पाण्यात भिजवून ठेवून सकाळी रिकाम्या पोटी ते पाणी प्यायल्याने फायदा होतो. या नैसर्गिक डिटॉक्स ड्रिंक्सचे नियमित सेवन शरीरातील विषारी घटक बाहेर टाकण्यास मदत करते आणि पचन, रोगप्रतिकारक शक्ती व त्वचेच्या आरोग्यात सुधारणा करते.
