नवरा-बायकोचं नातं हे पवित्र नातं मानलं जातं. लग्नानंतर दोन व्यक्ती नव्या आयुष्याची सुरुवात करतात. हे नातं फक्त त्यांच्यापुरतंच मर्यादित राहत नाही, तर या नात्यामध्ये एकामेकांच्या कुटुंबाचासुद्धा तितकाच सहभाग असतो. सुख, दु:ख, अडीअडचणीमध्ये नवरा-बायको प्रत्येक वेळी एकमेकांचे आधारस्तंभ म्हणून बाजूला उभे असतात. एकमेकांची काळजी घेतात, एकमेकांना समजून घेतात. विश्वासावर हे नातं टिकतं. पण, तुम्हाला आदर्श नवरा-बायकोमध्ये असलेले काही खास गुण माहिती आहेत का? आज आपण त्याविषयीच जाणून घेऊ या. एकमेकांचा आदर करणे नवरा-बायको एकमेकांचा आदर करीत असतील, तर हा एक चांगला गुण आहे. कोणत्याही नात्यात एकमेकांविषयी आदर असणं गरजेचं आहे. कोणतीही व्यक्ती परिपूर्ण नसते; पण चांगल्या गोष्टींचं कौतुक करणं अपेक्षित आहे. त्यामुळे नात्यातील सलोखा वाढतो. हेही वाचा : खरंच मुलगा आणि मुलगी फक्त मित्र असू शकत नाही का? वाचा, अभ्यास काय सांगतो… प्रेम कोणतंही नातं प्रेमाशिवाय अपूर्ण आहे. ज्या नात्यात प्रेम आहे, ते नातं अधिक मजबूत असतं. प्रेम ही अशी भावना आहे की, ज्यामुळे नातं अधिक घट्ट होण्यास मदत होते. नवरा-बायकोच्या नात्यात एकमेकांवर प्रेम असणं तितकंच गरजेचं आहे. जर तुम्ही पार्टनरच्या स्वभाव आणि व्यक्तिमत्त्वावर प्रेम करीत असाल, तर तुम्ही एक आदर्श पार्टनर आहात. एकमेकांच्या आवडी-निवडी जपा लग्नानंतर दोन व्यक्तींचं नवं आयुष्य सुरू होतं. या नव्या आयुष्यात त्यांना एकमेकांची काळजी घ्यावी लागते. अशात एकमेकांना समजून घेणं आणि एकमेकांच्या आवडी-निवडी जपणं आदर्श जोडप्याचं लक्षण आहे त्यामुळे नातं अधिक मजबूत होऊ शकतं. हेही वाचा : ७४ वर्षांच्या किरण बेदींनी कधीही खाल्ला नाही समोसा अन् कचोरी; कारण वाचाल तर तुम्हीही खाणे सोडून द्याल… चुकांकडे दुर्लक्ष करा माणूस म्हटलं की, चुका या होऊ शकतात आणि आपल्या हक्काच्या माणसाला समजून घेणं खूप गरजेचं आहे. त्यामुळे चूक कितीही मोठी असली तरी पार्टनरला माफ करा. त्यांच्या चुका त्यांना समजावून सांगा; ज्यामुळे नातं बिघडणार नाही. मदत करा नवरा-बायको ही नात्याची दोन चाकं असतात. त्यामुळे एका चाकावर कधीही भार किंवा जबाबदारी देऊ नका. दोघांनीही कामं वाटून घ्या; ज्यामुळे नात्यामध्ये समतोल राखता येईल. आदर्श नवरा-बायको नेहमी एकमेकांना सहकार्य करतात.
