आता नवीन वर्ष २०२२ सुरू होण्यासाठी काही दिवस उरले आहेत. काहींना येत्या वर्षापासून चांगल्या आर्थिक आयुष्याची आशा आहे, तर काही ती स्वप्ने प्रत्यक्षात आणण्याच्या प्रयत्नात व्यस्त आहेत, जी त्यांना गेल्या वर्षभरात पूर्ण करता आली नाही. दुसरीकडे, बॅचलर या नवीन वर्षात त्यांचा जीवनसाथी मिळण्याची वाट पाहत आहेत. जाणून घेऊयात येणारे वर्ष कोणत्या राशीच्या लोकांसाठी आनंदाचे असणार आहे. वार्षिक विवाह राशिफळ २०२२ नुसार, नवीन वर्ष पाच राशीच्या लोकांच्या आयुष्यात आनंद घेऊन येणार आहे. या राशीच्या लोकांना एक चांगला जीवनसाथी तर मिळेलच पण शुभ विवाहाचे मजबूत योगही तयार होत आहेत. ज्योतिषशास्त्रानुसार जेव्हा शनि आणि गुरु ग्रह आशीर्वाद देतात तेव्हाच विवाह योग तयार होतात. येत्या वर्षात शनि आणि गुरू कोणत्या राशीच्या लोकांवर प्रसन्न राहतील. कोणत्या राशीच्या लोकांच्या घरात सनई वाजण्याची दाट शक्यता आहे? ( हे ही वाचा: सासरी ‘या’ राशीच्या मुलींच्या शुभ पावलांनी येते आर्थिक समृद्धी, जाणून घ्या काय आहे विश्वास ) कर्क (Cancer) कर्क राशीच्या लोकांसाठी नवीन वर्ष जोडीदाराच्या शोधासाठी महत्त्वाचे ठरेल. शनि तुमच्या विवाह घरातून मार्गक्रमण करेल, ज्यामुळे एप्रिलमध्ये पुढील घरात जाण्यापूर्वी तुमच्या प्रयत्नांना बळ मिळेल. जुलैमध्ये तुमच्या लग्न घरामध्ये शनिची स्थिती लग्नाशी संबंधित सर्व अडथळे आणि संघर्ष संपवणारी दिसत आहे. प्रेमविवाह करू इच्छिणाऱ्या या राशीच्या लोकांसाठी हे वर्ष भाग्यशाली ठरेल. सिंह (Leo) सिंह राशीच्या लोकांसाठी नवीन वर्षात लग्नाची जास्त शक्यता आहे. वर्षाच्या सुरुवातीला कोणीतरी खास त्याच्या आयुष्यात येऊ शकत. एप्रिल महिन्यात या राशीच्या लोकांचे लग्न होण्याची दाट शक्यता आहे. एप्रिलमध्ये शनि तुमच्या विवाह गृहात प्रवेश करेल आणि जुलैपर्यंत येथे राहील. या कालावधीत, शनि ग्रह तुम्हाला तुमच्या जीवनातील कर्म संबंधांशी जोडण्यात मदत करेल. दुसरीकडे, जे आधीपासून रिलेशनशिपमध्ये आहेत त्यांच्यासाठी २०२२ हे वर्ष शुभ असेल. ( हे ही वाचा: ‘या’ ४ राशींमध्ये दडलेले आहेत श्रीमंत होण्याचे सर्व गुण, जाणून घ्या तुमच्या राशीचाही त्यात समावेश आहे का? ) कन्या (Virgo) कन्या राशीच्या लोकांसाठी नवीन वर्षात काही ग्रहांचे संक्रमण अनुकूल परिणाम देईल. तुमचा शोध वर्षाच्या पहिल्या तिमाहीपर्यंत संपण्याची शक्यता आहे. या काळात तुम्ही तुमच्या लाइफ पार्टनरला भेटू शकता आणि त्यांच्याशी लवकरात लवकर लग्न करू शकता. या व्यतिरिक्त या वर्षात शनी तुमच्या कौटुंबिक घरावर लक्ष केंद्रित करेल ज्यामुळे २०२२ मध्ये लग्नाची प्रबल शक्यता आहे. ( हे ही वाचा: नवीन वर्षात या ४ राशींवर राहील गुरू ग्रहाची कृपा! होऊ शकतो आर्थिक लाभ ) वृश्चिक (Scorpio) विवाह वार्षिक राशीभविष्य २०२२ नुसार, हे वर्ष वृश्चिक राशीच्या लोकांसाठी देखील खूप आनंददायी जाणार आहे. तथापि, जोडीदार शोधण्यासाठी तुम्हाला संघर्ष करावा लागेल, परंतु जुलैनंतर, गोष्टी तुमच्या बाजूने होऊ लागतील, कारण या काळात शनि आणि गुरु दोघेही तुमच्या राशीकडे पाहतील, ज्यामुळे तुमच्या आयुष्यात एक नवीन नाते तयार होईल. जे दीर्घकाळ टिकणारे आणि स्थिर असल्याचे सिद्ध होईल. ( हे ही वाचा: नवीन वर्षात या ४ राशींवर राहील लक्ष्मीची कृपा, व्यवसाय असो किंवा नोकरी, सर्वत्र मिळेल यश ) मीन (Pisces) मीन राशीच्या लोकांसाठी एप्रिल नंतर गुरु तुमच्या राशीत संक्रमण करेल. याचा तुमच्या लग्नाच्या घरावर परिणाम होईल, त्यामुळे या वर्षी तुमचे लग्न होण्याची दाट शक्यता आहे. जे लोक स्वत:साठी परफेक्ट पार्टनर शोधत होते, त्यांचा शोध यावर्षी संपुष्टात येईल कारण या वर्षाच्या पहिल्या तिमाहीनंतर ते लवकरच लग्नगाठ बांधतील.
