यांत्रिकी अभियंता झाल्यावर जाणीवपूर्वक वेगळी वाट निवडली

नागपूर : ट्रॅक्टर दुरुस्ती हे नाजूक हातांचे काम नाही. त्यासाठी पुरुषी हातांचीच गरज असते, हा समज खोटा ठरवला  तो भंडारा जिल्ह्य़ातील साकोलीच्या अवघ्या २२-२३ वर्षांच्या धनश्री हातझाडे या तरुणीने. यांत्रिकी अभियंता झालेल्या धनश्रीला खरे तर टाटा, महिंद्रा सारख्या वाहनांच्या मोठय़ा कंपन्यांमधील वातानुकू लित कार्यालयात गलेलठ्ठ पगाराची नोकरी मिळवू शकली असती. पण तिने ही आरामदायी वाटचाल नाकारत खडतर वाट स्वीकारली. अवघ्या काही दिवसातच ट्रॅक्टर दुरुस्तीचे कौशल्य आत्मसात करणाऱ्या धनश्रीकडूनच ते काम करून घेण्यासाठी आता रांगा लागतात.

Nigerian citizen, Arrested in Nalasopara, Drugs Worth 57 Lakhs, cocaine, mephedrone, drugs in nalasopara, crime in nalasopara, marathi news, crime news,
नालासोपार्‍यात ५७ लाखांचे अमली पदार्थ जप्त
श्श्श्श… वाघोंबांची तलावामध्ये सुरू आहे पूल पार्टी; ‘ठंडा ठंडा कुल कुल’मुळे बाहेर निघायलाच तयार नाही
in nagpur Suicide attempt by young man due to family reasons police save him
कौटुंबिक कारणातून युवकाचा आत्महत्येचा प्रयत्न, पण देवदुतासारखे धावून आले पोलीस; दरवाजा तोडून…
heavy traffic in patri pool area in kalyan
कल्याण : पत्रीपुलामुळे पुन्हा मनस्ताप, आता रस्ते कामामुळे अभूतपूर्व वाहतूक कोंडी

करोनाकाळात अनेकांनी नोकऱ्या गमावल्या तर उच्चशिक्षित तरुणाईला भविष्यातील नोकरीच्या चिंतेने ग्रासले. मात्र, सुरुवातीपासूनच वेगळी वाटचाल चोखाळणाऱ्या धनश्रीने याच करोनाकाळात कमाईचा नाही तर कामाचा वेगळा मार्ग निवडला. टाळेबंदीच्या काळात साकोलीतील वडिलांच्या गॅरेजमधील कामगार येईनासे झाले. अवघ्या दोन कामगारांच्या बळावर नऊ ट्रॅक्टरच्या दुरुस्तीचा मोठा प्रश्न तिच्या वडिलांसमोर होता. बोलून दाखवले नसले तरीही वडिलांची चिंता तिने ओळखली आणि हे आव्हान तिने स्वीकारले. एवढेच नाही तर ते यशस्वीरित्या पेलले. धनश्रीच्या निर्णयामुळे तिच्या वडिलांसमोर उभा ठाकलेला हा मोठा प्रश्न सुटला. अफाट निरीक्षणक्षमता असणाऱ्या धनश्रीचा पहिल्याच दिवशीचा प्रवास वडिलांना अचंबित करून गेला. ट्रॅक्टरचे मोठमोठे नटबोल्ट आपली मुलगी खोलू शके ल का, अशी शंका मनात असताना काही दिवसातच सराईत कामगारांसारखे तिने हे कौशल्य आत्मसात के ले. सुरुवातीला गॅरेजमध्ये दुरुस्तीसाठी ट्रॅक्टर आणणारे लोक ही मुलगी काय करणार, याच नजरेतून तिच्याकडे बघत होते. तिच्याकडून दुरुस्ती करून घ्यायला तयार नव्हते आणि करून घेतले तरीही इतर पुरुष कामगारांकडून के लेल्या कामाची चाचपणी करत होते. कामातील प्रामाणिकता आणि अचूकतेच्या बळावर तिने त्यांचाही विश्वास जिंकला. आता हेच लोक तिच्याकडून काम करून घेण्यासाठी तत्पर असतात. इतर कामगारांप्रमाणेच ती वडिलांच्या तीन दशके  जुन्या गॅरेजमध्ये काम करते. तिच्या कामात कु ठेही यांत्रिकी अभियंता असल्याचा अविर्भाव नसतो. ग्राहकांशी ती तेवढय़ाच नम्रपणाने वागते आणि त्यांच्या वाहनातील समस्या दूर करते.

वडिलांचे काम लहानपणापासून बघत आले. तेव्हापासूनच त्यांना हातभार लावण्याचे लक्ष्य होते. यांत्रिकी अभियंता झाल्यानंतर टाळेबंदीने या लक्ष्यपूर्तीची संधी दिली. तू मुलगी आहे, तुला काय करणार, ताकद कशी लागणार असे शब्द गॅरेजमध्ये कानावर पडायचे. काम पूर्ण झाल्यानंतरही ग्राहक पुरुष कामगारांना ते एकदा तपासायला लावायचे. आता ग्राहक स्वत:हून त्यांच्या वाहनाची समस्या सांगतात. पहिला ट्रॅक्टर दुरुस्त के ला तो क्षण कायम आठवणीत राहणारा आहे. हे काम सुरु झाल्यानंतर महिंद्रासारख्या कं पन्यांमधून नोकरीसाठी विचारणा झाली. माझा निर्णय मात्र झालेला आहे. गावातच राहून वडिलांच्या खांद्याला खांदा लावून काम करायचे.

– धनश्री हातझाडे