monsoon cleaning hacks how to stop earthworms, flies and other insects to enter in the house check home remedies | Loksatta

Monsoon Hacks: पावसाळ्यात गांडूळ, गोम, माश्यांनी घरात घातलंय थैमान, करा ‘हे’ घरगुती सोपे उपाय

पावसाळ्याच्या महिन्यात घरात कितीही स्वच्छता ठेवली तरी कीटक, सरपटणारे प्राणी, पाली, झुरळ हे घरात येतातच.

Monsoon Hacks: पावसाळ्यात गांडूळ, गोम, माश्यांनी घरात घातलंय थैमान, करा ‘हे’ घरगुती सोपे उपाय
(फोटो: Pixabay)

पावसाळ्याच्या महिन्यात घरात कितीही स्वच्छता ठेवली तरी कीटक, सरपटणारे प्राणी, पाली, झुरळ हे घरात येतातच. मुख्यतः तळमजल्यावर राहणाऱ्यांना या न बोलावलेल्या पाहुण्यांचा प्रचंड त्रास सहन करावा लागतो. बाथरूम मध्ये, टॉयलेट मध्ये हे प्राणी सर्रास येतात, इतकेच नव्हे तर हळूहळू रांगत घरभर सुद्धा पसरतात. या प्राण्यांच्या मार्फत अनेक आजारांचे विषाणू सुद्धा पसरत असतात, तर पावसाळ्यातील काही प्राणी जसे की खूप पाय असणारी गोम शरीराला चावल्यास मोठा अपाय होऊ शकतो. आज आपण या समस्येवर काही सोपे घरगुती उपाय पाहणार आहोत, जे आपण साधारण रोज रात्री झोपण्याआधी केल्यास हे प्राणी घरात येण्याची शक्यता कमी होते. चला तर पाहुयात.

सर्वप्रथम लक्षात घ्या पावसाळ्यात घर फिनाईलने पुसून काढण्याचा सल्ला दिला जातो, हे फायद्याचेच आहे मात्र लादी पुसल्यावर ती कोरडी सुद्धा करा. ओल्या ठिकाणी गांडूळ, माशा अधिक येतात. घरातील पाणी भरून ठेवण्याची भांडी सुद्धा वेळच्या वेळी घासून स्वच्छ करत जा. जर घरातील विशिष्ट ठिकाणी छोटे मोठे भगदाड पडले असेल तर ते वेळीच बुजवा. अनेकदा पावसाळ्यात घुशी व उंदीर सुद्धा बाथरूम मध्ये माती पोखरून ठेवतात ज्यातून अन्य प्राणी घरात येतात हे सर्व छिद्र बुजवा. इतकं करूनही जर घरात गांडूळ, गोम यांचा वावर असेल तर खालील उपाय करा..

१) जाड मीठ/ खडा मीठ- बाथरूममध्ये व टॉयलेट मध्ये पांढरे जाड मीठ म्हणजेच खड्याचे मीठ पसरवून ठेवा. मीठातील क्षार या किड्यांना मारून टाकते.

२) डांबर गोळ्या- बाथरूम मध्ये व घरातील सर्व कानाकोपर्यात आपण नेप्थलीन बॉल म्हणजे डांबर गोळ्या पसारवून ठेवा

३) पुदिन्याची पाने- घरात सतत झुरळ किंवा गांडूळ येत असल्यास त्यांच्या येण्याच्या ठिकाणी पुदिन्याची पाने कुस्कुरून टाका.

४) कडुलिंबाचा पाला- घरात कडुलिंबाचा पाला अडकवून ठेवल्यास माशांचे प्रमाण कमी होते

५) कापूर- शक्य झाल्यास एक दिवस आड घरात कापूर जाळा. नारळाची धुरी केल्यास त्यात कडुलिंबाचा पाला घालावा.

६) पाण्याची पिशवी- घरात खूप माशा येत असतील तर एका कोपऱ्यात पाण्याची पिशवी भरून वर बांधून ठेवा त्यात एक नाणं टाका.

७) बोरिक पावडर- बाथरूम व टॉयलेट मध्ये बोरिक पावडर व ब्लिचिंग पावडर टाकून घ्या. या पावडरचा गंध खूप उग्र असतो त्यामुळे एक दिवस आड टाकू शकता. किंवा काही वेळ ठेवून व फारशी घासून धुवून काढू शकता.

८) पेट्रोलियम जेली- आपण जेव्हा घरातील बाथरूमचे पाईप किंवा टॉयलेट स्वच्छ करतो तेव्हा हा उपाय करता येईल. या ठिकाणी फरशीवर किंवा टॉयलेटच्या पृष्ठभागावर पेट्रोलियम जेली पसरवून ठेवा जेणेकरून गांडूळ व अन्य सरपटणारे प्राणी तिथे अडकून पडतील.

९) व्हिनेगर- प्राणी घरात येणाऱ्या ठिकाणी रात्री एक चमचा व्हिनेगर ओतावे, जेणेकरून त्या गंधाने प्राणी कमी होतील.

१०) बेकिंग सोडा- आपल्याला ब्लिचिंग पावडरचा उग्र गंध सहन होत नसेल तर पर्यारी आपण बेकिंग सोडा सुद्धा बाथरूमच्या फरशीवर टाकून ठेवू शकता. व्हिनेगर व बेकिंग सोडायचे मिश्रण घातल्यास फारशी स्वच्छ राहण्यास सुद्धा मदत होते.

तुमच्याकडेही असे काही घरगुती उपाय असतील तर आम्हाला नक्की कळवा!

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Diabetes Control Tips: मधुमेहाच्या रुग्णांनी घ्या ‘या’ चार गोष्टींची विशेष काळजी, रक्तातील साखरेची पातळी राहील नियंत्रणात

संबंधित बातम्या

World Aids Day 2022: शरीरात HIV संक्रमण होताच दिसू लागतात ‘हे’ बदल; AIDS ची लक्षणे घरीच ओळखा
बदाम खाल्ल्याने ‘हे’ ४ त्रास १०० च्या वेगाने वाढू शकतात! एका दिवसात किती व कसे बदाम खाणे आहे योग्य?
‘या’ ३ आजारात काजू करू शकतो विषासारखं काम; एका दिवसात किती काजू खाणे योग्य? पाहा तज्ज्ञांचा सल्ला
‘या’ ३ सुक्या मेव्याचे सेवन आयुष्य वाढवेल; फक्त दिवसातून किती खाल्ले पाहिजे ते जाणून घ्या
Rashi Parivartan 2022: नव्या वर्षात कोणते ग्रह करणार राशी परिवर्तन; जाणून घ्या स्थिती आणि परिणाम

व्हिडिओ

ताज्या बातम्या
Maharashtra Breaking News Live : मंगलप्रभात लोढांविरुद्ध संभाजी ब्रिगेड आक्रमक; वाचा राज्यभरातील घडामोडी एका क्लिकवर
महिला शिक्षिकेकडून तब्बल कोटींची संपत्ती हनुमान मंदिराला दान; मुलं आणि पती नाराज
Second Hand Car खरेदी करण्याचा विचार करताय? मग ‘या’ गोष्टी लक्षात ठेवा, नाहीतर होणार…
एड्सग्रस्त रुग्णांच्या उपचारासाठी ‘ई निरंतर’ सेवा
…अन् ‘ती’ दोन वर्षांनंतर पालकांना भेटली; टाळेबंदीत पश्चिम बंगालमधून हरवलेल्या मुलीची कथा