Navratri 2023 Nine Colors As Per Devi Name Mantra Ghatsthapana Dasara Dusshera Tithi Shubh Muhurta Fashion Trends

Navratri Nine Colors As Per Devi Name: नवरात्रीत नऊ रंगांची निवड कशी होते व यंदा कोणत्या दिवशी कोणता रंग परिधान करायचा आहे याविषयी जाणून घेऊया..

नवरात्रीत नऊ रंगांचे कपडे का घालायचे? (फोटो: लोकसत्ता ग्राफिक्स टीम)

Navratri Nine Colors As Per Devi Name: गणपती बाप्पांना निरोप देऊन आता सर्वत्र नवरात्रीची तयारी सुरु झाली आहे. आश्विन शुक्ल पक्षात प्रतिपदेला देवीचे आगमन होते. घटस्थापनेच्या दिवसापासून पुढील नऊ दिवस देवीच्या विविध रूपांची पूजा केली जाते. तर विजयादशमीच्या मुहूर्तावर हे घट किंवा देवीच्या मूर्तीचे विसर्जन होते. यंदा १५ ऑक्टोबर ते २३ ऑक्टोबर या दिवसांमध्ये नवरात्री साजरी होणार आहे तर २४ ऑक्टोबरला दसऱ्याचा मुहूर्त आहे. मागील काही वर्षात नवरात्री सणाची माहिती सांगताना त्यात नऊ रंगांचा उल्लेख आवर्जून केला जातो. तुम्हीही नवरात्रीच्या नऊ दिवसांमध्ये रेल्वे स्टेशन, बस, ऑफिस, गरबा- दांडियाला एकाच रंगात सजून आलेले भाविक पाहिले असतीलच. या नऊ रंगांची निवड कशी होते व यंदा कोणत्या दिवशी कोणता रंग परिधान करायचा आहे याविषयी जाणून घेऊया..

नवरात्रीचे नऊ रंग कसे ठरतात? (Navratri Nine Colors)

पंचागकर्ते दा. कृ. सोमण यांनी लोकसत्ताला दिलेल्या माहितीनुसार, नवरात्रीत विशिष्ट रंगाचे कपडे परिधान करण्यामागे कोणतेही धार्मिक कारण नाही. तसेच याचा पाप-पुण्य, भविष्य याच्याशी काहीही संबंध नसतो. पौराणिक ग्रंथामधून प्रत्येक वाराला एक विशिष्ट रंग दिला आहे आणि त्यावरुनच नवरात्रीचे नऊ रंग ठरतात. आठवड्यात सात दिवस असल्याने जे दोन वार परत येतात, त्यादिवशी त्या रंगाचा ‘सिस्टर कलर’ म्हणजे त्याच्या जवळचा रंग त्या दिवसासाठी निवडला जातो.

नवरात्रीत नऊ रंगांचे कपडे का घालायचे? (Why Wear Nine Colors in Navratri)

वर म्हटल्याप्रमाणे हा मुद्दा पूर्णतः तुमच्या आवडीवर अवलंबून आहे व असा कोणताही लिखित नियम नाही. मात्र सणांच्या दिवसात एकोपा आणि आपण समाज म्हणून किती जोडलेले आहोत याला महत्त्व असतेच. आपल्या परिधानातून एकता दर्शवण्यासाठी अशाप्रकारे नऊ रंगांचे कपडे घातले जातात.

२०२३ नवरात्रीचे नऊ रंग व देवीची नावे (Navratri 2023 Dates, Colors & Devi Names)

प्रतिपदा- १५ ऑक्टोबर: नारंगी रंग (रविवार)

रविवारी केशरी रंग परिधान करून देवी नवदुर्गेची पूजा केली जाते, हा रंग सकारात्मक उर्जेने परिपूर्ण असतो आणि उत्साहाचे प्रतीक मानला जातो.

द्वितीया- १६ ऑक्टोबर: पांढरा रंग (सोमवार)

यादिवशी शैलपुत्रीचे पूजन केले जाते. पांढरा रंग शुद्धता व पावित्र्याचे प्रतीक आहे.

तृतीया – १७ ऑक्टोबर: लाल रंग (मंगळवार)

या दिवशी ब्रह्मचारिणी देवीची पूजा केली जाते. लाल हा रंग आवड, शुभसंकेत आणि ऊर्जेचे प्रतीक आहे.

चतुर्थी – १८ ऑक्टोबर : रॉयल निळा (बुधवार)

या दिवशी चंद्रघंटा देवीची पूजा केली जाते. निळा रंग हा विशालता, विश्वास, श्रद्धा, आत्मियया यांचे प्रतीक आहे.

पंचमी – १९ ऑक्टोबर: पिवळा (गुरुवार)

या दिवशी कृष्मांडा देवीच्या नामाचा जप केला जातो. पिवळा हा सूर्यप्रकाशाचा म्हणजेच प्रखरता, तेज व नव्या सुरुवातीचा रंग म्हणून ओळखला जातो.

षष्ठी – २० ऑक्टोबर: हिरवा रंग (शुक्रवार)

या दिवशी स्कंदमातेची पूजा केली जाते. हिरवा रंग निसर्गाचे आणि मायेचे प्रतीक मानला जातो.

सप्तमी- २१ ऑक्टोबर : राखाडी रंग (शनिवार)

या दिवशी कात्यायनी देवीची पूजा केली जाते. राखाडी रंग हा स्थिरता, अढळता आणि शिस्तबद्धतेचा रंग म्हणून ओळखला जातो.

अष्टमी- २२ ऑक्टोबर : जांभळा रंग (रविवार)

या दिवशी महागौरीचे पूजन केले जाते. जांभळा रंग हा महत्त्वाकांक्षा, ध्येय आणि उर्जेचे प्रतीक असतो.

नवमी- २३ ऑक्टोबर : मोरपंखी रंग (सोमवार)

या दिवशी सिद्धीदात्री देवीची पूजा केली जाते. मोरपंखी रंग वाढ आणि सुपिकतेचं प्रतीक आहे.

(टीप: वरील लेख हा प्राप्त माहितीवर आधारित आहे)

First published on: 01-10-2023 at 12:09 IST

Web Title: Navratri 2023 nine colors as per devi name mantra ghatsthapana dasara dusshera tithi shubh muhurta fashion trends svs

नवरात्री २०२३: कोणत्या दिवशी कोणत्या रंगाला आहे महत्त्व? घटस्थापनेपासून देवीच्या ‘या’ ९ रूपांचे करा पूजन

नवरात्रीचे नऊ रंग कसे ठरतात? (Navratri Nine Colors)

नवरात्रीत नऊ रंगांचे कपडे का घालायचे? (Why Wear Nine Colors in Navratri)

२०२३ नवरात्रीचे नऊ रंग व देवीची नावे (Navratri 2023 Dates, Colors & Devi Names)