Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

विविध पाच व्हेरिअंटमध्ये लाँच झाली Suzuki Access स्कुटी

नवीन Suzuki Access स्कुटी लाँच, ‘ही’ आहे किंमत

Suzuki ने भारतीय बाजारात Access 125 ही स्कुटी बीएस-6 मानकांसह लाँच केली आहे. BS6 Suzuki Access 125 विविध पाच व्हेरिअंटमध्ये लाँच करण्यात आलीये. ही स्कुटी म्हणजे सुझुकी मोटरसाइकल्स इंडियाचे पहिले बीएस6 मॉडेल आहे. देशात सर्वाधिक विक्री होणाऱ्या 125 सीसीच्या स्कुटरमध्ये अ‍ॅक्सेस अत्यंत लोकप्रिय आहे.

कंपनीने नव्या अ‍ॅक्सेस 125 मध्ये काही नवे फीचर्स दिलेत. यामध्ये एक्सटर्नल फ्युअल फिलिंग, एलईडी हेडलाइट आणि स्पीडोमीटरवर ईको लाइटचा समावेश आहे. स्कुटीमधील डिजिटल स्क्रीनवर आता व्होल्टेज मीटर डिस्प्लेही असेल, त्याद्वारे बॅटरी लाइफबाबत माहिती मिळेल. सुझुकी अ‍ॅक्सेस 125 स्टँडर्ड व्हेरिअंट पांच रंगांच्या पर्यायांसह उपलब्ध आहे. यामध्ये पर्ल सुझुकी डीप ब्लू, पर्ल मिराज व्हाइट, ग्लास स्पार्कल ब्लॅक, मेटॅलिक मॅट प्लॅटिनम सिल्वर आणि मेटॅलिक मॅट फायब्रोइन ग्रे या रंगाचा समावेश आहे. तर, स्पेशल एडिशनमध्ये चार कलर्सचे पर्याय आहेत. यामध्ये मेटॅलिक डार्क ग्रीनिश ब्लू, मेटॅलिक मॅट ब्लॅक, मेटॅलिक मॅट बोर्डो रेड आणि पर्ल मिराज व्हाइट या रंगाचा पर्याय आहे. अ‍ॅक्सेस 125 स्कुटीमध्ये बीएस6 इंजिन असून हे इंजिन 750rpm वर 8.7hp ची ऊर्जा आणि 5,500rpm वर 10Nm टॉर्क निर्माण करतं. बीएस6 इंजिनमध्ये कार्ब्युरेटरऐवजी फ्यूअल इंजेक्शन फ्यूलिंग सिस्टिमचाही समावेश आहे.

आणखी वाचा – आता आली ‘हीरो’ची HF डीलक्स , मिळणार अधिक मायलेज

This quiz is AI-generated and for edutainment purposes only.

किंमत –
-सीबीएससह ड्रम ब्रेक व्हेरिअंट – 64,800 रुपये
-सीबीएससह ड्रम ब्रेक-अ‍ॅलॉय व्हील व्हेरिअंट- 66,800 रुपये
-सीबीएससह डिस्क ब्रेक व्हेरिअंट- 67,800 रुपये
-स्पेशल एडिशन सीबीएससह ड्रम ब्रेक-अ‍ॅलॉय व्हील व्हेरिअंट- 68,500 रुपये
-स्पेशल एडिशन सीबीएससह डिस्क ब्रेक व्हेरिअंट – 69,499 रुपये

First published on: 07-01-2020 at 09:39 IST

Web Title: Suzuki access 125 bs6 launched know price and all details sas

नवीन Suzuki Access स्कुटी लाँच, ‘ही’ आहे किंमत

विविध पाच व्हेरिअंटमध्ये लाँच झाली Suzuki Access स्कुटी