Furniture Clean Tips: फर्निचर हा आपल्या सर्वांच्या घरातील एक महत्त्वाचा भाग आहे. लोक त्यांचे घर सुंदर, आकर्षक करण्यासाठी आणि दैनंदिन जीवन आरामदायी बनवण्यासाठी फर्निचर खरेदी करतात. परंतु, दररोजच्या धावपळीमुळे ते साफ करायला वेळ मिळत नाही. परिणामी, त्यामुळे फर्निचरवर धूळ साचते आणि ते काळपटही दिसू लागतात. हे स्वच्छ करण्यासाठी पैसे खर्च करावे लागतात. रसायने आधारित स्प्रेचा जास्त वापर केल्याने फर्निचरवरची चमक कमी होऊ शकते. अशा परिस्थितीत तुम्ही सर्वात महागडे किंवा जुने फर्निचरदेखील स्वच्छ करण्यासाठी काही नैसर्गिक घटक वापरू शकता.
लाकडी फर्निचर स्वच्छ करण्यासाठी दोन प्रभावी उपाय
पहिली पद्धत
यासाठी तुम्ही २ कप पाणी, १ कप व्हिनेगर, १ चमचा कोणतेही तेल आणि २-३ चमचे डिश वॉशर घ्या. आता या सर्व गोष्टी चांगल्या प्रकारे मिसळा आणि स्प्रे बाटलीत भरा. यानंतर हे स्प्रे कोणत्याही घाणेरड्या लाकडावर शिंपडा आणि कापडाने पुसून टाका, यामुळे तुमच्या घराचा प्रत्येक कोपरा स्वच्छ आणि चमकदार होईल.
दुसरी पद्धत
यासाठी तुम्हाला फक्त दोन गोष्टींची आवश्यकता आहे. एका भांड्यात १ चमचा व्हिनेगर आणि २ चमचे डिश वॉशर घ्या. आता दोन्ही चांगले मिसळा आणि मऊ कापडाच्या मदतीने लाकडी फर्निचर स्वच्छ करा. यामुळे तुमच्या घरात ठेवलेले प्रत्येक फर्निचर चमकेल आणि नव्यासारखे दिसेल.
