भारतात इलेक्ट्रिक स्कूटरची मागणी झपाट्याने वाढत आहे. इलेक्ट्रिक स्कूटरमध्ये कंपन्या एकामागून एक नवीन फीचर्स आणत आहेत. जर तुम्ही कमी बजेटमध्ये इलेक्ट्रिक स्कूटर घेण्याचा विचार करत असाल, तर इथे तुमच्यासाठी इलेक्ट्रिक स्कूटर उपयोगी पडू शकते. बंगळुरूमधील एक स्टार्टअप कंपनी उत्कृष्ट वैशिष्ट्यांसह ई-स्कूटर घेऊन येत आहे. बाउन्स इलेक्ट्रिक कंपनी लवकरच आपल्या इलेक्ट्रिकचे प्री-बुकिंग सुरू करणार आहे. कंपनीने माहिती दिली आहे की ही बॅटरीशिवाय देखील खरेदी केली जाऊ शकते, ज्यामुळे त्याची किंमत देखील कमी होईल.
या इलेक्ट्रिक स्कूटरची जाणून घ्या खासियत
यात एक गोल ऑल-एलईडी हेडलॅम्प, एलसीडी इन्स्ट्रुमेंट कन्सोल मिळतो, जे त्याच्या लुकमध्ये भर घालते. स्कूटरच्या पुढील आणि मागील दोन्ही बाजूस डिस्क ब्रेक आहेत. कंपनी या स्कूटरमध्ये २.१kWh बॅटरी देऊ शकते. मीडिया रिपोर्ट्सनुसार, ही स्कूटर एका चार्जमध्ये १५०KM ते २००KM ची रेंज देऊ शकते. कंपनी जानेवारी २०२२ पासून स्कूटरची डिलिव्हरी सुरू करू शकते आणि ती डिसेंबरमध्ये लॉंच केली जाऊ शकते.
या स्कूटरची बॅटरीशिवाय किंमत इतकी असेल
येणारा काळ लक्षात घेऊन बनवण्यात आल्याचे बाऊन्स इलेक्ट्रिकचे म्हणणे आहे. यात बॅटरी काढण्याची सुविधा आहे, जी बॅटरी संपली की बदलता येते. तुम्ही ही इलेक्ट्रिक स्कूटर ४०% कमी किमतीत बॅटरीशिवाय खरेदी करू शकता. तुम्हाला हवे असल्यास कंपनीकडून वेगळी बॅटरी घेऊन किंवा भाड्याने बॅटरी घेऊन तुम्ही इलेक्ट्रिक स्कूटर चालवू शकता. ही स्कूटर तुम्ही ५० हजार रुपयांच्या सबसिडीसह बॅटरीशिवाय खरेदी करू शकता.
या स्कूटर्सबरोबर होणार टक्कर
बाऊन्सची ई-स्कूटर TVS iQube, Ola S1, Ola S1 Pro, Bajaj, Hero, Pure Motors यांच्याशी स्पर्धा करेल. या सर्व ई-स्कूटरमध्ये अनेक वैशिष्ट्ये आहेत आणि त्यांची किंमत १ लाख रुपयांपेक्षा कमी आहे. याशिवाय पुढील वर्षी याच स्पर्धेतील होंडा, हिरो आणि सुझुकीही त्यांची ई-स्कूटर बाजारात आणण्याच्या तयारीत आहेत.
लोकसत्ता आता टेलीग्रामवर आहे. आमचं चॅनेल 
