डाएट न करता ५ ते १० किलो वजन कमी करण्याचं सीक्रेट; सोडावं लागणार नाही आवडते पदार्थ खाणं; बघा कसा असावा दिवस…

त्यामुळे पुढील दहा लहान बदल सातत्याने केल्यास जादूसारखे काम करणार आहे…

१. फळांचा रस – फळांचे रस आरोग्यदायी असले तरीही त्यात साखरेचे प्रमाण जास्त असते. संत्र्याचा रस पिण्याऐवजी संपूर्ण संत्र खाल्ल्याने तुम्हाला फायबर मिळतील आणि पोट सतत भरलेले राहील.

२. बाजरी किंवा तपकिरी तांदूळ – या एका छोट्याशा बदलामुळे तुम्हाला जास्त फायबर मिळतील आणि तुमच्या रक्तातील साखरेचे प्रमाण स्थिर राहील. तुम्हाला जास्त वेळ पोट भरल्यासारखे वाटेल, ज्यामुळे नंतर खाण्याची इच्छा कमी होईल

३. पायऱ्या निवडा – दिवसातून लिफ्टऐवजी पायऱ्यांनी चढ-उतार केल्याने १०० ते २०० कॅलरीज बर्न होऊ शकतात. त्यामुळे जिममध्ये वेळ न घालवता, असे लहान व्यायाम तुम्ही दिवसभरात करू शकता.

४. जेवणापूर्वी पाणी प्या – जेवणापूर्वी एक ग्लास पाणी प्यायल्याने नैसर्गिकरीत्या थोडं कमी खाण्याची सवय लागते. कारण- कधी कधी आपल्याला भूक लागली, असं वाटतं; पण खरं तर ती तहान असते. पाणी प्यायल्याने तहान भागते आणि भूकही कमी लागते.

५. तळण्याऐवजी भाजून घ्या – क्रंच, कमी कॅलरीज आणि अधिक पोषक तत्वांसाठी चिप्स व पकोड्यांऐवजी भाजलेले मखाना, चणे, काजू खा.

६. कॉलवर बोलताना चला – बसण्याऐवजी कामावर असताना किंवा वैयक्तिक कॉल चालू असताना इकडे-तिकडे चालत जा. २० ते ३० मिनिटांचा चालण्याचा कॉलदेखील तुम्हाला जास्त चालण्यास प्रवृत्त करतो.

७. चहा आणि कॉफीत साखर कमी टाका – जर तुम्ही दिवसातून दोनदा चहा किंवा कॉफीचे सेवन करीत असाल, तर अर्धा चमचा साखर कमी टाका किंवा साखर टाकूच नका. त्यामुळे शेकडो कॅलरीज कमी होतात.

८. फळे किंवा दही खा – मध्यरात्री भूक लागल्यावर दही, केळी किंवा एखादे आवडीचे फळ खाऊ शकता.

९. जेवणासाठी लहान प्लेट्स वापरा – संशोधनातून असे दिसून आले आहे की, जेव्हा तुम्ही लहान प्लेटमध्ये जेवता तेव्हा अन्न ताटात जास्त दिसते. त्यामुळे आपण कमी खातो.

१०. जास्त झोपा – झोपेचा अभाव तुमचा चयापचयाचा दर कमी करतो. रात्री उशिरापर्यंत झोपण्याऐवजी सात ते आठ तासांची झोप घेतल्याने तुमचे वजन कमी करण्याचा प्रवास बदलू शकतो.

वजन कमी करण्यासाठी ठरावीक आहार न घेता, तुमच्या जीवनशैलीत हे छोटे बदल समाविष्ट केलेत, तर तुमचे आवडते पदार्थ मर्यादित प्रमाणात खाल्लेत, तर तुमचे वजन कमी होईल.