scorecardresearch

Premium

‘अरोमा थेरपी’ नेमकी काय आहे? धावपळीच्या जीवनशैलीत शरीराला आराम मिळवून देण्यास ती कशी फायदेशीर ठरते?

तुमचे मानसिक आणि शारीरिक आरोग्य राखायचे असेल, तर तुम्ही ही थेरपी अवश्य घेऊ शकता.

Aroma Therapy
'अरोमा थेरपी' नेमकी काय आहे? (Photo : Pexels)

Aromatherapy Massage : आजकालच्या धावपळीच्या जीवनशैलीत अनेक लोक आरोग्याकडे लक्ष देत नाहीत. अनेकदा त्यांच्या व्यग्र वेळापत्रकामुळे त्यांना तणाव आणि सततची चिंता यांसारख्या समस्यांना सामोरे जावे लागते. अशा परिस्थितीत तुमच्या शरीराला आवश्यकतेनुसार विश्रांती देणे खूप गरजेचे असते. अरोमा थेरपी ही एक आरामदायी थेरपी आहे; जी तुमच्या शरीराला आराम देण्यास मदत करते. तसेच ही केवळ शरीराला आराम देणारी थेरपी नाही, तर तुम्हाला तणाव व चिंता यांसारख्या समस्यांपासूनही दूर ठेवण्यास मदत करते आणि तुमच्यातील सकारात्मकता वाढवते. म्हणूनच जर तुम्हाला तुमचे मानसिक आणि शारीरिक आरोग्य राखायचे असेल, तर तुम्ही ही थेरपी अवश्य घेऊ शकता.

अरोमा थेरपी म्हणजे काय?

holding pee for long time is harmful
तुम्ही बराच काळ लघवी रोखून ठेवली तर आरोग्याला होईल धोका? होऊ शकतात हे आजार
How To Control Diabetes Sugar level Blood sugar control made easy
Blood sugar control: रक्तातील साखर कमी करण्यासाठी करा ‘हे’ सोपे व्यायाम…शुगर राहील नियंत्रणात
Milk can raise your blood sugar levels or not Diabetic patients should know These things about milk
एक कप दूध पिण्याने तुमच्या रक्तातील साखरेची पातळी वाढते का? जाणून घ्या काय म्हणतात तज्ज्ञ…
Almond Benefits for Skin
चेहऱ्यावरील सुरकुत्या कमी करण्यासाठी बदाम खाणं उपयुक्त? एका दिवसात किती सेवन करावे, तज्ज्ञांकडून समजून घ्या योग्य पध्दत…

अरोमा थेरपीमध्ये तेलाचा वापर केला जातो आणि त्या तेलाने संपूर्ण शरीराला मालिश केले जाते. या थेरपीचे खास वैशिष्ट्य म्हणजे डिफ्युझरला वेगवेगळ्या सुगंधी तेलांमध्ये मिसळले जाते आणि त्यामध्ये औषधी वनस्पती आणि आले यांसारखे अनेक मसालेही वापरले जातात. अरोमा थेरपी करण्याच्या वेगवेगळ्या पद्धती आहेत.

हेही वाचा- Health Special: आध्यात्मिकतेने खरंच किती मानसिक बळ मिळते?

जसे की, तुम्ही डिफ्युझरच्या मदतीने संपूर्ण खोली तेलाच्या सुगंधाने व्यापून टाकू शकता. त्यामुळे खोलीत तुम्ही घेतलेल्या श्वासाद्वारे तेल तुमच्या शरीरात प्रवेश करते. त्याशिवाय बॉडी मसाजमध्येही तेलाचा वापर केला जातो.

अरोमा थेरपीचे फायदे

अरोमा थेरपीचे अनेक आश्चर्यकारक फायदे आहेत. ते म्हणजे जर तुमच्या शरीरात वेदना होत असतील किंवा तुम्हाला सांधेदुखीची समस्या असेल, तर या थेरपीमुळे तुमच्या सर्व समस्या दूर होऊ शकतात. तसेच आळस किंवा थकवा जाणवत असेल, तर ही थेरपी तुमच्या शरीरामध्ये ऊर्जा निर्माण करू शकते. ही थेरपी केल्याने तणाव, चिंता, नैराश्य यांसारखे त्रासही दूर होतात; शिवाय डोकेदुखी किंवा मायग्रेनच्या समस्यांसाठी ही थेरपी रामबाण उपाय ठरू शकते.

(वरील लेख प्राप्त माहितीवर आधारित आहे. या थेरपीचा वापर करण्यापूर्वी तुमच्या डॉक्टरांचा सल्ला अवश्य घ्या.)

Latest Comment
View All Comments
Post Comment

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: What exactly is aromatherapy how does it benefit the body in a hectic lifestyle jap

First published on: 11-12-2023 at 17:56 IST

संबंधित बातम्या

तुम्ही या बातम्या वाचल्या आहेत का? ×