उत्तम आरोग्यासाठी मुलांना नाश्त्यात कोणते पदार्थ आवर्जून खायला द्यावे?

मुलांच्या नाश्त्यात या पदार्थांचा करा समावेश

पोहे

लहान मुलांना पोहे खूप आवडतात. पोहे मुलांच्या शारीरिक विकासासाठी मदत करतात, त्यामुळे तुम्ही पोह्याचा समावेश मुलांच्या नाश्त्यामध्ये करू शकता.

पनीर

पनीरमध्ये प्रोटीन आणि कॅल्शियम दोन्ही मुबलक प्रमाणात आढळते, त्यामुळे पनीर खाल्ल्याने मुलांचे दात आणि हाडं मजबूत होण्यास मदत होईल.

सँडविच

घरी बनवलेले सँडविचही मुलांसाठी एक उत्तम नाश्ता आहे. यात प्रथिने आणि निरोगी चरबी भरपूर प्रमाणात असते. याच्या सेवनाने मुलं दिवसभर सक्रिय राहतात.

अंडी

मुलांच्या नाश्त्यामध्ये तुम्ही अंड्यांचा समावेशदेखील करू शकता. शिजवलेले किंवा एखाद्या वेगळ्या रेसेपीमधून मुलांना अंडी देऊ शकता.

पावसाळ्यात आवर्जून प्या ‘हे’ निरोगी पेय, ठरेल आरोग्यासाठी फायदेशीर

शिरा/ उपमा

कधी गोड शिरा तर कधी उपमा यापैकी त्यांच्या आवडीनुसार तुम्ही हा पदार्थ बनवू शकता, रवा खाल्ल्याने पचनक्रिया सुधारते.

मिक्स व्हेज पराठा

या पराठ्यामध्ये विविध भाज्यांचा वापर केला जातो. त्यामुळे मिक्स व्हेज पराठा मुलांसाठी उत्तम नाश्ता आहे. यामध्ये प्रथिने, फायबर, लोह भरपूर प्रमाणात आढळते.