बिहार विधानसभा अध्यक्षांच्या दौऱ्यात नक्षलवादी-लालूप्रसाद

बिहार विधानसभेच्या अध्यक्षांनी एका कट्टर नक्षलवाद्याला आपला सहकारी म्हणून जपानच्या दौऱ्यावर सरकारी खर्चाने नेले होते, असा जळजळीत आरोप राष्ट्रीय जनता दलाचे (राजद) नेते लालूप्रसाद यादव यांनी बुधवारी येथे केल्याने खळबळ माजली आहे.

बिहार विधानसभेच्या अध्यक्षांनी एका कट्टर नक्षलवाद्याला आपला सहकारी म्हणून जपानच्या दौऱ्यावर सरकारी खर्चाने नेले होते, असा जळजळीत आरोप राष्ट्रीय जनता दलाचे (राजद) नेते लालूप्रसाद यादव यांनी बुधवारी येथे केल्याने खळबळ माजली आहे.
विधानसभेचे अध्यक्ष उदय नारायण चौधरी यांनी कट्टर नक्षलवादी मुरारी यादव याला सरकारी खर्चाने जपानला नेले, इतकेच नव्हे तर चौधरी हे राजदचे गयातील खासदार राजेशकुमार यांच्या हत्याप्रकरणात सहभागी असल्याचा आरोपही लालूप्रसाद यांनी केला. राजेशकुमार यांच्या नातेवाइकांना त्याबाबतची सर्व कागदपत्रे आणण्यास आपण सांगितले असल्याचेही लालूप्रसाद म्हणाले.राजदमधून फुटलेल्या १३ आमदारांना विधानसभेत स्वतंत्र गट म्हणून मान्यता देण्याच्या चौधरी यांच्या निर्णयामुळे लालूप्रसाद यादव संतप्त झाले असून त्यांनी चौधरी यांच्यावर चौफेर टीका केली आहे. याबाबत जारी करण्यात आलेल्या अध्यादेशात राजदचे १३ माजी आमदार असा उल्लेख करण्यात आला आहे. पक्षाने या आमदारांची हकालपट्टी केलेली नाही अथवा या आमदारांनी स्वत:हून राजीनामे दिलेले नाहीत. असे असताना या आमदारांचा उल्लेख माजी असा कसा केला जातो, असा सवालही लालूप्रसाद यांनी केला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व लोकसभा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Lalu prasad yadav alleges speakers nexus with naxal

ताज्या बातम्या