हिमाचल प्रदेशमध्ये सफरचंद लागवड हा शेतकऱ्यांसाठी मुख्य आधार ठरत आहे. येथील १.७ लाख शेतकरी एक लाख नऊ हजार ५३३ हेक्टर जमिनीवर सफरचंद लागवड केली जाते. राज्यातील ४९ टक्के जमिनीवर फलोत्पादन घेण्यात येत असल्याची माहिती हिमाचल प्रदेश सरकारने दिली आहे. १९५०-५१ या कालावधीत ४० हेक्टर तर १९६०-६१ या कालावधीत ३ हजार २५ हेक्टर जमीनीवर सफरचंद लागवड करण्यात आली. मात्र, सध्याच्या आकडेवारीनुसार एकूण ८५ टक्के जमीनीवर फलोत्पादन घेतले जात आहे. पोषक हवामान, जमिनीचा पोत यांमुळे सफरचंद लागवडीस लाभदायक परिस्थिती असल्याने हिमाचल प्रदेशात फलोत्पादनास राज्य सरकारकडूनही प्रोत्साहन दिले जाते. शिमला, कुल्लू, किन्नाऊर, मंडी आणि चम्बा या राज्यांमध्ये सफरचंद लागवड मोठय़ा प्रमाणात केली जाते. त्याचवेळी इतर फळांची लागवडही समाधानकारक आहे. एप्रिल-मे महिन्यांत सात लाख टन डाळींची आयात डाळींची वाढती मागणी आणि कमी उत्पादन यांमुळे एप्रिल आणि मे या दोन महिन्यांत सात लाख टन डाळींची आयात करण्यात आल्याची माहिती केंद्र सरकारकडून देण्यात आली आहे. भारतात डाळींचे उत्पादन १७ ते १९.५ दशलक्ष टन असून मागणी २४.६१ दशलक्ष टनांची असल्यामुळे ही आयात करण्यात आल्याचे अन्नमंत्री रामविलास पासवान यांनी सांगितले. प्रतिकूल परिस्थितीत उत्पादन कमी झाल्यामुळे पुरवठा घटला आणि डाळींची किंमत वाढल्याचे पासवान यांनी सांगितले.
