News Flash

सिग्नल यंत्रणा बंद पाडून पुणे-सोलापूर हुतात्मा एक्स्प्रेस लुटण्याचा प्रयत्न

दोन महिलांच्या गळ्यातील सोन्याची चेन हिसकावल्याचे सांगण्यात येते.

Hutatma Express: मलठण रेल्वे स्थानकावरील सिग्नल यंत्रणा बंद पाडून चोरट‌्यांनी पुण्याहून सोलापूरला येणारी हुतात्मा एक्स्प्रेस लुटण्याचा प्रयत्न केला.

मलठण रेल्वे स्थानकावरील सिग्नल यंत्रणा बंद पाडून चोरट‌्यांनी पुण्याहून सोलापूरला येणारी हुतात्मा एक्स्प्रेस लुटण्याचा प्रयत्न केला. हा प्रकार शनिवारी रात्री घडला. चोरट‌्यांनी डी १ व डी ४ डब्यात खिडकीजवळ बसलेल्या दोन महिलांच्या गळ्यातील सोन्याची चेन हिसकावल्याचे सांगण्यात येते. या घटनेत सुमारे एक लाख रूपयांचे सोने चोरीला गेले असण्याची शक्यता आहे. रात्री उशिरापर्यंत लोहमार्ग पोलिसांत गुन्हा नोंदवण्याचे काम सुरू होते. मलठण रेल्वे स्थानकापासून दीड किमी अंतरावर अंधारात हा प्रकार घडला.

दौंड-कुर्डुवाडी दरम्यान असलेल्या मलठण रेल्वे स्थानकाच्या होम सिग्नलवर शनिवारी सांयकाळी ७ वाजून २० मिनिटांनी हुतात्मा एक्स्प्रेस आली. सिग्नल यंत्रणा बंद केल्याने हुतात्मा एक्स्प्रेसला लाल सिग्नल मिळाला. त्यामुळे गाडी थांबली. त्याचवेळी चोरट्यांनी डी १ व डी ४ डब्यातील खिडकीजवळ बसलेल्या दोन महिलांचे मंगळसूत्र, गंठण हिसकावले. सुमारे एक लाख रूपयांचे सोने चोरीला गेले.

दरम्यान, या गाडीला रेल्वे प्रशासनाकडून सुरक्षा पुरवण्यात येत नाही. त्यामुळे चोरट्यांनी हुतात्मा एक्स्प्रेसला लक्ष्य केल्याचे सांगण्यात येते. पूर्वी या गाडीबरोबर लोहमार्ग पोलिसांचा बंदोबस्त असायचा. पण गेल्या काही वर्षांपासून या गाडीला सुरक्षा पुरवण्यात येत नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 12, 2017 7:51 am

Web Title: an attempt to rob the pune solapur hutatma express by shutting down the signal system
Next Stories
1 ‘मला सोडा, श्वास गुदमरतोय..!’
2 राज्यात गाळमुक्त धरण, गाळयुक्त शिवार कार्यक्रम – मुख्यमंत्री
3 ज्ञानेश्वर साळवे चिडला, कारण की..!