28 February 2021

News Flash

चंद्रपूर : वडेट्टीवार यांच्या हस्ते आयुष उपक्रमाच्या जनजागृती विषयक साहित्याचे विमोचन

सहयोगी मानसिक आरोग्य हेल्पलाईन नागरिकांच्या सेवेत दाखल

करोनाच्या वाढत्या संसर्गाच्या पार्श्वभूमीवर चंद्रपूर जिल्ह्यातील आयुष उपक्रमाची जनजागृती, तसेच नागरिकांच्या मानसिक समस्या सोडविण्यासाठी सहयोगी मानसिक आरोग्य हेल्पलाईन 155-398 सुरु करण्यात आलेली आहे. आयुष उपक्रमांच्या जनजागृती विषयक साहित्यांचे अर्थात पोस्टर, पत्रके,घडी पुस्तीकांचे विमोचन तसेच सहयोगी मानसिक आरोग्य हेल्पलाईनचे पोस्टर, पत्रके, घडीपुस्तीकांचे विमोचन राज्याचे मदत व पुनर्वसन, आपत्ती व्यवस्थापन व इतर मागास, बहुजन कल्याणमंत्री तथा चंद्रपूर जिल्ह्याचे पालकमंत्री विजय वडेट्टीवार यांच्या हस्ते करण्यात आले.

जिल्हा प्रशासनाने करोना विषयी जनजागृती संदर्भात विविध उपक्रमाअंतर्गत राबविण्यात येणारे विविध उपक्रम नागरिकांसाठी या काळात आधार ठरत आहेत. या उपक्रमामध्ये जिल्ह्यातील स्वयंसेवी संस्थांचा देखील मोठा सहभाग आहे, असे मत पालकमंत्री विजय वडेट्टीवार यांनी यावेळी व्यक्त केले . तसेच जिल्ह्यातील स्वयंसेवी संस्थांचे आभार देखील त्यांनी मानले.

जिल्हा परिषदेचे मुख्य कार्यकारी अधिकारी राहुल कर्डिले यांनी आयुष उपक्रमाविषयीची सविस्तर माहिती सांगितली. करोना विषाणूचा सामना करण्यासाठी नागरिकांमधील रोग प्रतिकारशक्ती वाढवणे हा उपाय आहे. यासाठी आयुष मंत्रालय भारत सरकार व आयुष विभाग महाराष्ट्र शासनाने आयुष चिकित्सापद्धतीचे उपाय सुचविले आहेत.आयुष उपाययोजनांची प्रभावी अंमलबजावणी राज्यात सर्वप्रथम चंद्रपूर जिल्ह्यात करण्यात आली आहे. जिल्ह्यातील सर्व अलगीकरण केंद्रात आर्सेनिक अल्बम 30 या होमिओपॅथी औषधाचे तसेच आयुष काढ्याचे वाटप करण्यात येत आहे. जिल्ह्यातील नागरिकांमध्ये आयुष उपाययोजनांची प्रभावी अंमलबजावणी होण्यासाठी जनजागृती संदर्भात पोस्टर, बॅनर, पत्रके, स्टीकर्स तयार केलेले आहेत.

आणखी वाचा- चंद्रपूर : ताडाळी परिसरातील हजारो नागरिकांसाठी अँटीजन चाचणी सुविधा सुरू

जिल्ह्यात जिल्हाधिकारी डॉ.कुणाल खेमनार यांच्या मार्गदर्शनात करोना जनजागृतीसाठी आत्मभान अभियान सुरू केले आहे. या अभियानांतर्गत नागरिकांना मानसिक आधारासाठी हॅलो चांदा 155-398 हेल्पलाईन सुरू करण्यात आली आहे. या हेल्पलाईनच्या प्रसिद्धीसाठी फलके, पत्रके, स्टिकर्स तयार केले आहेत. सहयोगी मानसिक आरोग्य संदर्भातील हेल्पलाईनमध्ये जिल्हा प्रशासनासोबत सुशिलाबाई रामचंद्रराव मामिडवार कॉलेज ऑफ सोशल वर्कचे प्राचार्य डॉ.सुनील साकुरे, प्राध्यापिका डॉ.जयश्री कापसे, प्राध्यापक डॉ.देवेंद्र बोरकुटे यांची प्रशिक्षित समुपदेशकांची चमू काम बघणार आहे. सोबत मनोचिकित्सक डॉ.किरण देशपांडे , समुपदेशक मुग्धा कानगे यांचे सहकार्य राहणार आहे.  यावेळी हेल्पलाईन विषयीची माहिती प्राध्यापिका डॉ.जयश्री कापसे यांनी विषद केली.

कार्यक्रमास जिल्‍हाधिकारी डॉ.कुणाल खेमनार, अतिरिक्त जिल्हाधिकारी विद्युत वरखेडकर, जिल्हा परिषदेचे मुख्य कार्यकारी अधिकारी राहुल कर्डिले,आयुक्त राजेश मोहिते, जिल्हा आरोग्य अधिकारी डॉ.राजकुमार गहलोत, जिल्हा शल्य चिकित्सक डॉ.निवृत्ती राठोड, जिल्हा आयुष अधिकारी डॉ.गजानन राऊत, सुशिलाबाई रामचंद्रराव मामिडवार कॉलेज ऑफ सोशल वर्कचे प्राचार्य डॉ.सुनील साकुरे, प्राध्यापिका डॉ.जयश्री कापसे , डॉ देवेंद्र बोरकुटे, ड़ॉ किरण देशपांडे , श्रीमती मुग्धा कानगे , विद्यार्थी समुपदेशक किनारा खोब्रागडे , सागर नागोसे , चेतन वासेकर प्रामुख्याने उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 28, 2020 5:20 pm

Web Title: chandrapur release of ayush initiative awareness material by vadettiwar msr 87
Next Stories
1 ग्रामपंचायतीवर प्रशासक नेमण्याच्या शासन निर्णयाला ११ सरपंचांकडून हायकोर्टात आव्हान
2 “कुर्बानीनं करोना जाणार म्हणजे…”; शरद पवारांना प्रविण दरेकरांचा टोला
3 अखेर मुहूर्त ठरला : उद्या जाहीर होणार दहावीचा निकाल
Just Now!
X