News Flash

तौक्ते चक्रीवादळामुळे भाईंदरमधील इमारतीचा भाग खचला; ७२ जणांची सुखरूप सुटका

ही इमारत तीस वर्षाहून अधिक जुनी

तौक्ते चक्रीवादळाच्या फटक्यामुळे मंगळवारी सकाळी सहाच्या सुमारास भाईंदर पश्विम परिसरातील शिवम कॉपरेटिव्ह या इमारतीचा मोठा भाग खचला असल्याची घटना घडली आहे. घटनास्थळी अग्निशमन विभागाकडून बचाव कार्य राबवण्यात आले असून ७२ हून अधिक नागरिकांची सुखरूप सुटका करण्यात आली आहे. तर अद्यापही कोणत्याही स्वरूपाची जीवितहानी झाली नसल्याचे प्रशासनाकडून स्पष्ट करण्यात आले आहे.

भाईंदर पश्विम परिसरातील शिवसेना गल्ली जवळ तीन मजली शिवम को-ऑपरेटिव्ह इमारत आहे. ही इमारत तीस वर्षाहून अधिक जुनी असल्यामुळे काही महिन्यापूर्वीच पालिका प्रशासनाकडून धोकादायक ठरवण्यात आली होती.मात्र तरी देखील इमारतीत तीस हुन अधिक कुटूंबीय वास्तव्य करत होते.तौक्ते चार्क्रीवादळाचा फटका कोकण किनारपट्टीला लागला असल्यामुळे सोमवारपासून मिरा भाईंदर शहरात सोसाट्याचा वारा आणि मुसळधार पाऊस पडत आहे.

मंगळवारी पहाटे सहाच्या सुमारास शिवम इमारतीचा बाहेरील भाग खचला असल्याची घटना घडली. या घटनेची माहिती प्रशासनाला प्राप्त होताच अग्निशमन यंत्रणा तात्काळ घटना स्थळी दाखल झालेआणि बचाव कार्यास सुरुवात करून तीन तासानंतर ७२ हून अधिक नागरिकांची सुखरूप सुटका करण्यात आली आहे. तसेच इमारतीत कोणी अडकलेले आहे की नाही याचा शोध घेतला जात असून अद्यापही कोणत्याही स्वरूपाची जीवितहानी झाली नसल्याची माहिती अग्निशमन अधिकारी प्रकाश बोराडे यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 18, 2021 12:12 pm

Web Title: cyclone tauktae part of building collapse in mira bhayandar scsg 91
Next Stories
1 पुणेकराची कमाल! कचरा उचलण्यासाठी बनवलं अनोखं मशीन
2 “राष्ट्रीय आपत्तीचा सामना करून लोकांचं रक्षण करणं सरकार पाडण्याइतकं सोपं नसतं”
3 वणवण फिरण्यापेक्षा नागपुरातच बसा म्हणणाऱ्या प्रकाश आंबेडकरांना फडणवीसांनी दिलं उत्तर; म्हणाले
Just Now!
X