News Flash

दलित कुटुंबांस पाणी देण्यास नकार देत शिवीगाळ, मारहाण

या घटनेची चित्रफीत ‘समाज माध्यमा’वर वेगाने पसरल्याने त्यावर संतप्त प्रतिक्रिया उमटू लागल्या.

प्रतिनिधिक छायाचित्र

परभणी : दलित समाजातील कुटुंबांना पिण्याचे पाणी देण्यास नकार देत जातिवाचक शिवीगाळ आणि मारहाण करण्याची घटना पाथरी तालुक्यात घडली आहे. दीड महिन्यात दुसऱ्यांदा घडलेल्या या प्रकरणी आरोपींविरुद्ध अनुसूचित जाती जमाती अत्याचार प्रतिबंधक कायद्यानुसार गुन्हा दाखल करत त्यांना पोलीस कोठडी सुनावण्यात आली आहे.

पाथरी तालुक्यातील खेरडा या गावी घडलेल्या या घटनेची माहिती अशी, दीड महिन्यापूर्वी गावातील दलित समाजातील काही कुटुंबांना पिण्याचे पाणी देण्यास नकार देत यावरून जातिवाचक शिवीगाळ करून मारहाण करण्यात आली होती. या प्रकरणी गावातील रामचंद्र नामदेव आमले, दगडू रामभाऊ आमले यांच्याविरुद्ध गुन्हा दाखल झाल्यानंतर त्यांना अटकपूर्व जामीन मिळाला होता.

जामीन मंजूर झाल्यानंतर आरोपींनी गावात पुन्हा धमकावण्याचे प्रकार सुरू केले. यातूनच शुक्रवारी (दि. ४) आरोपींनी संबंधितांना पुन्हा जातिवाचक शिवीगाळ करत धमकावले. या घटनेची चित्रफीत ‘समाज माध्यमा’वर वेगाने पसरल्याने त्यावर संतप्त प्रतिक्रिया उमटू लागल्या. या प्रकरणी विकास गंगाधर वाहेळ यांनी रविवारी (दि. ६) तक्रार दिल्यावर दोन्ही आरोपींना पाथरी पोलिसांनी अटक केली. त्यांना आज चार दिवसांची पोलीस कोठडी सुनावण्यात आली आहे. दरम्यान, गावातील तणावाचे वातावरण लक्षात घेऊन उपविभागीय पोलीस अधिकारी राजेंद्र पाटील यांच्यासह पोलीस निरीक्षक वसंत चव्हाण यांनी घटनास्थळी भेट दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 9, 2021 12:01 am

Web Title: dalit families abuse and brutally assaulted after refusing to provide water
Next Stories
1 खंबाटकी बोगदा विस्तारीकरणाच्या उत्खननासाठी ३२ कोटी रुपये भरण्याचे आदेश
2 अहमदनगर : प्रेम प्रकरणातील वादातून रेखा जरे यांची हत्या झाल्याचे पोलीस तपासात निष्पन्न
3 मे महिन्यात राज्यातील १०,८८६ बेरोजगारांना दिला रोजगार; नवाब मलिक यांची माहिती
Just Now!
X