12 August 2020

News Flash

निवडणूक, जुगारात बनावट नोटा

निवडणुकांसाठी छुप्या पद्धतीने वाटले जाणारे पैसे आणि जुगारासारख्या धंद्यातून बनावट नोटा व्यवहारात आणल्या जात असल्याची माहिती पुढे आली आहे. सांगली, कोल्हापूर येथे काल रात्री मोठय़ा

| July 12, 2015 04:37 am

निवडणुकांसाठी छुप्या पद्धतीने वाटले जाणारे पैसे आणि जुगारासारख्या धंद्यातून बनावट नोटा व्यवहारात आणल्या जात असल्याची माहिती पुढे आली आहे. सांगली, कोल्हापूर येथे काल रात्री मोठय़ा प्रमाणात करण्यात आलेल्या कारवाईमध्ये ताब्यात घेण्यात आलेल्यांकडून ही माहिती पुढे आली आहे. सांगलीत सापडलेल्या ३५ लाख रुपयांच्या बनावट नोटाही या निवडणुकांसाठीच वापरल्या जाणार होत्या.
सांगलीत कालच्या कारवाईत या गुन्ह्य़ातील एक मोठी साखळीच उघडकीस आली आहे. या प्रकरणी ताब्यात घेण्यात आलेल्या चौघांकडून वरील धक्कादायक माहिती पुढे आली आहे. या नोटा तयार करण्याच्या तंत्रज्ञानाचा जसा प्रसार होत आहे तसाच या नोटा वितरित करण्याची पद्धतीही या गुन्हेगारांनी विकसित केली आहे.
सांगलीत सापडलेल्या ३५ लाख रुपयांच्या बनावट नोटा या जिल्ह्य़ातील ग्रामपंचायत निवडणुकांमध्ये वाटल्या जाणार होत्या. हा सर्वच प्रकार बंद दरवाज्याआड सुरू असल्याने अशी नोट दिल्याबद्दल लोकही तक्रार करण्याऐवजी ती नोट व्यवहारात आणण्याचाच प्रयत्न करतात. याशिवाय जुगारासारख्या धंद्यामधूनही या नोटा वितरित होत असल्याचे या आरोपींकडे केलेल्या चौकशीतून पुढे आले आहे. दरम्यान कालच्या कारवाईत चारजणांना अटक करण्यात आली असून त्यांना १४ जुलपर्यंत पोलीस कोठडीत ठेवण्याचे आदेश न्यायालयाने दिले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 12, 2015 4:37 am

Web Title: fake note found in sangli
टॅग Sangli
Next Stories
1 नाशिकचा विकासाचे श्रेय घेण्याचा राज यांचा प्रयत्न
2 गृहराज्यमंत्री पाटील यांचे नाव दोन मतदारसंघांत ?
3 सिंहस्थामुळे नाशिकवर हवाई कंपन्यांची कृपा
Just Now!
X