मुंबईकडे निघालेल्या कन्याकुमारी एक्स्प्रेसच्या इंजिनला अचानकपणे आग लागल्यामुळे गाडी थांबविण्यात आली. सोलापूरच्या अलिकडे अक्कलकोटजवळ हा प्रकार घडला. सुदैवाने यात कोणतीही जीवितहानी झालेली नाही. कन्याकुमारी एक्स्प्रेस सोलापूरच्या अलिकडे अक्कलकोट ते तिलाटी स्थानकाच्या दरम्यान धावत असताना अचानकपणे गाडीच्या इंजिनला आग लागून ठिणग्या पडत असल्याचे निर्दशनात आले. तेव्हा तात्काळ गाडी थांबवून आग आटोक्यात आणण्यासाठी प्रयत्न चालू करण्यात आले. आग भडकल्यामुळे जळीतग्रस्त इंजिन गाडीपासून वेगळा करण्यात आला. दरम्यान, दुसरे इंजिन मागवून गाडी पुढे रवाना करण्याची तयारी रेल्वे प्रशासनाने केली.
