26 September 2020

News Flash

परराज्यातून आलेला ३२ लाखांचा मद्यसाठा जप्त

एका टेम्पोमध्ये हा मद्यसाठा शासनाचा महसूल बुडवून परराज्यातून आणला जात होता.

राज्य उत्पादन शुल्काच्या भरारी पथकाने परराज्यातून वाहतूक करत असलेला मोठा मद्यसाठा जप्त केला असून या कारवाईत ३२ लाख ६८ हजार ३२० रुपये किमतीचा मुद्देमाल जप्त केला आहे. यामध्ये ७५० मिलिलिटरच्या बाटल्यांचे १९२ बॉक्स आढळले आहेत.

भरारी पथकाला मिळालेल्या महितीनुसार खानवेल-जव्हार रस्त्यावर गोरठाण चौक येथे सापळा लावून परराज्यातून आणलेला मद्यसाठा जप्त केला. दारूबंदी गुन्ह्यांतर्गत ही कारवाई भरारी पथकाचे निरीक्षक डी. आर. परब, प्रसाद सातूरस्कर, दुय्यम निरीक्षक डी. काळेल आणि कर्मचाऱ्यांनी केली.

एका टेम्पोमध्ये हा मद्यसाठा शासनाचा महसूल बुडवून परराज्यातून आणला जात होता. विशेष म्हणजे ही वाहतूक या टेम्पोतून विशिष्ट कप्पा बनवून केली जात होती. या प्रकरणी टेम्पोचालक रईस मुस्तकीन अन्सारी याविरोधात महाराष्ट्र दारूबंदी कायदान्वये गुन्हा दाखल करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 14, 2019 12:44 am

Web Title: foreign alcohol seized akp 94
Next Stories
1 वसई-विरारमधील आरोग्य समस्यांचा वेध
2 स्वस्त धान्य दुकानांमध्ये गैरव्यवहार?
3 भाजपा हा ओबीसींचाच पक्ष आहे: फडणवीस
Just Now!
X