सांगली येथील वालचंद अभियांत्रिकी महाविद्यालयाच्या वसतिगृहात एका महाविद्यालयीन विद्यार्थिनीने गळफास घेऊन आत्महत्या केली. अक्षता कोष्टी असं या मुलीचं नाव असल्याची माहिती समोर आली आहे. वालंचंद महाविद्यालयात ती बीई सिव्हिलचं शिक्षण घेत होती. तिने आत्महत्या का केली यामागचं कारण स्पष्ट होऊ शकलेलं नाही. अक्षता कोष्टीने महावद्यालयाच्या आवारात असलेल्या वसतिगृहात आत्महत्या केली. आज सकाळी तिच्या खोलीत तिचा मृतदेह पंख्याला ओढणीने लटकलेल्या अवस्थेत सापडला. तिने आत्महत्या का केली याचं कारण अद्याप स्पष्ट झालेले नाही. अक्षता ही मूळची जत तालुक्यातील डफळापूरची रहिवासी असून सिव्हिल इंजिनिअरींगच्या प्रथम वर्षाचे शिक्षण घेत होती. अक्षता कॉलेजच्या हॉस्टेलमध्ये एका रुममध्ये पाच मैत्रिणींसोबत राहात होती. आज सकाळी तिच्या इतर मैत्रिणी महाविद्यालयात गेल्या. यानंतर त्यापैकी काही जणी खोलीमध्ये आल्या तेव्हा त्यांना अक्षताचा मृतदेह गळफास लावलेल्या अवस्थेत दिसून आला. यानंतर त्यांनी तातडीने हॉस्टेल अधीक्षकांना याबाबतची माहिती दिली. कॉलेज प्रशासनाने विश्रामबाग पोलिसांना याबाबत कळवताच त्यांनी घटनास्थळी धाव घेऊन पंचनामा केला.
