इंदुरीकर महाराजांचा माफीनामा; वाचा दिलगिरीचं सविस्तर पत्रक - Marathi News | Indurikar Maharaj Apologize His Statement Nck 90

प्रसिद्धीपत्रकाद्वारे जाहीर माफी मागितली

प्रसिद्ध किर्तनकार निवृत्ती महाराज इंदुरीकर यांनी गर्भलिंग चाचणीसंदर्भात गर्भलिंग चाचणीसंदर्भात वक्तव्याबाबात एका प्रसिद्धी पत्रकाद्वारे जाहीर माफी मागितली आहे. ‘सम तिथीला स्त्री संग केल्यास मुलगा होतो आणि विषम तिथीला स्त्री संग केल्यास मुलगी होते’ असं वादग्रस्त वक्तव्य किर्तनकार इंदुरीकर महाराज यांनी केलं होतं. त्यासंदर्भात त्यांच्यावर टीकेची झोड उडाली होती. इंदुरीकर महाराजांनी जाहीर दिलगिरी व्यक्त करत या वादावर पडदा टाकण्याचा प्रयत्न केला आहे.

पत्रात काय म्हणाले इंदुरीकर महाराज ?

महाराष्ट्रातील तमाम वारकरी, कथाकार, किर्तनकार, शिक्षक-शिक्षिका, डॉक्टर, वकील व मातासमान असलेला तमाम महिलावर्ग.

आज गत आठ दिवसांपासून माझ्या किर्तणरूपी सेवेतील ज्या वाक्यामुळे सोशल मीडिया व इलेक्ट्रॉनिक मीडियासह इतर समाजमाध्यमांत माझ्या अभ्यासानुसार मी केलेल्या वक्तव्याचा विपर्यास केला जात आहे.

तरी मी वारकरी सांप्रदायाचा पाईक असून, मी माझ्या २६ वर्षांच्या किर्तनरूपी सेवेत समाज प्रबोधन, समाज संघटन, अंधश्रद्धा निर्मूलन व विविध जाचक रूढी-परंपरा यावर भर दिला होता. माझ्या किर्तनरूपी सेवेतील या वाक्याने कुणाच्या भावना दुखावल्या गेल्या असतील तर मी दिलगिरी व्यक्त करतो. माझ्यावरील प्रेम वृद्धींगत व्यावे ही सदिच्छा!

आणखी वाचा – “महाराष्ट्राच्या संत परंपरेत इंदुरीकरांचं कीर्तन बसत नाही; त्यांचे विनोदही कमी दर्जाचे”

असं पत्रक इंदुरीकर महाराज यांनी काढलं आहे. त्याखाली महाराष्ट्र भूषण समाज प्रबोधनकार ह.भ.प. निवृत्ती महाराज देशमुख (इंदूरीकर) असा शिक्काही आहे आणि त्यावर इंदुरीकर महाराजांची स्वाक्षरी आहे.

First published on: 18-02-2020 at 12:16 IST

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Indurikar maharaj apologize his statement nck