News Flash

कोल्हापूर: पुन्हा एकदा महाविकास आघाडीचाच महापौर; भाजपा उमेदवाराला मिळालं केवळ एक मत

एक विरुद्ध ४८ मतांनी महाविकास आघाडीच्या उमेदवाराने निवडणूक जिंकली

कोल्हापूर

कोल्हापूर महापालिकेमध्ये महाविकास आघाडीने भाजपाला धक्का दिला आहे. महापौर पदाच्या निवडणुकीमध्ये काँग्रेसच्या निलोफर आजरेकर यांची निवड झाली आहे. धक्कादायक बाब म्हणजे भाजपाला केवळ एक मत मिळालं. त्यामुळे निलोफर या ४८ विरुद्ध एक अशा ४७ मतांच्या फरकांनी जिंकून आल्या आहेत. भाजपा-ताराराणी आघाडीच्या नगरसेवकांनी मतदानावर बहिष्कार टाकल्याने भाजपाच्या उमेदवाराला केवळ एकच मत मिळाले.

महाविकास आघाडीतील पक्षांच्या एकीमुळे निलोफर या केवळ महापौरच झाल्या नाही तर त्यांना कोल्हापूरच्या ५० व्या महापौर होण्याचा मान मिळाला आहे. महाविकास आघाडीतील पक्षांचे संख्याबळ पाहता निलोफर यांचा विजय निश्चित मानला जात होता. भाजपा-ताराराणी आघाडीच्या अर्चना पागर यांना निवडणुकीमध्ये केवळ एक मत मिळालं. भाजपा-ताराराणी आघाडीचे नगरसेवक अनुपस्थितीत राहिले. भाजपाचे सदस्य असणारे कमलाकर भोपळेच मतदानाच्या वेळी सभागृहात उपस्थित होते. त्यांनीच पागर यांना मिळालेलं एकमेव मत दिलं. सभागृहामध्ये हात उंचावून मतदान घेण्यात आलं.


कोल्हापूरच्या नवनिर्वाचित महापौर निलोफर आजरेकर

राष्ट्रवादी काँग्रेसच्या अॅड. सुरमंजिरी लाटकर यांनी अवघ्या सव्वा दोन महिन्यामध्ये आपल्या महापौरपदाचा राजीनामा दिल्याने महापौरपदाची निवडणुक घेण्यात आली. १९ नोव्हेंबर २०१९ रोजी महापौर म्हणून निवड झालेल्या लाटकर यांनी महापालिकेच्या विशेष सभेमध्ये राजीनामा दिला होता. राज्यामधील सत्तास्थापनेचा तिढा सुरु असतानाच कोल्हापूरमध्ये नोव्हेंबर महिन्यात झालेल्या महापौरपदाच्या निवडणुकीमध्ये काँग्रेस, राष्ट्रवादी काँग्रेस आणि शिवसेनेने एकत्र येत महाविकास आघाडीचा पहिला यशस्वी पॅटर्न राबवत लाटकर यांना निवडून आणलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 10, 2020 12:48 pm

Web Title: kolhapur municipal corporation mahavikas aghadi won the mayor election scsg 91
Next Stories
1 हैदराबाद पोलिसांचं समर्थन करण्याची वेळ येऊ नये हीच न्यायव्यवस्थेला हात जोडून विनंती – मकरंद अनासपुरे
2 आपल्या घरात असा नराधम निर्माण होऊ न देणे हीच खरी श्रद्धांजली – अजित पवार
3 हिंगणघाट जळीतकांड; पीडितेच्या मृत्यूनंतर रोहित पवारांनी केलं आवाहन
Just Now!
X