01 March 2021

News Flash

सिंधुदुर्ग जिल्ह्यातील सागरी पर्यटनात पायाभूत सुविधांचा अभाव

सिंधुदुर्ग जिल्ह्यात सागरी किनारी मोठय़ा प्रमाणात पर्यटक येत आहेत.

(संग्रहित छायाचित्र)

सावंतवाडी  : सिंधुदुर्ग जिल्ह्यात सागरी पर्यटनाला मोठा वाव असूनही पायाभूत सुविधा निर्माण करण्यात आल्या नाहीत. त्यामुळे पर्यटनाचा आस्वाद घेण्यासाठी येणाऱ्या पर्यटकांना मनस्ताप सहन करावा लागत असल्याचे चित्र आहे.

सिंधुदुर्ग जिल्ह्यात सागरी किनारी मोठय़ा प्रमाणात पर्यटक येत आहेत. देवबाग, मालवण, तारकर्ली, शिरोडा वेळागर, रेडी, उभादांडा, मोचेमाड अशा अनेक किनाऱ्यावर पर्यटक मोठय़ा प्रमाणात येत आहेत.

देशी आणि विदेशी पर्यटकांची गर्दी विशेषत: सागरी किनाऱ्यावर होत असून याकडे महाराष्ट्र पर्यटन महामंडळाने दुर्लक्ष केले आहे. या सागरी किनाऱ्यावरील पर्यटनासाठी जाणाऱ्या पर्यटकांसाठी पायाभूत सुविधा नसल्याने नाराजी व्यक्त होत आहे. या सागरी किनाऱ्यावर जाण्यासाठी अरुंद रस्ते असून या रस्त्यावरून वाहनांना जाण्यासाठी तारेवरची कसरत करावी लागत आहे. तसेच बहुतेक किनाऱ्यावर जाण्यासाठी एकेरी वाहतुकीचे रस्ते आहेत. ते रस्ते अरुंद असल्याने  पर्यटकांच्या वाहनांची  गर्दी झाल्यानंतर रस्त्यातून वाहतूक करणे अवघड बनत चालले आहे.

तसेच किनाऱ्यावर पर्यटकांना बसण्यासाठी किंवा पाहण्यासाठी मनोरे देखील उभारलेले नाहीत. तसेच समुद्रामध्ये  आंघोळ करत मौजमजा करणाऱ्या पर्यटकांना कपडे बदलण्यासाठी देखील सुविधा सागरी किनाऱ्यावर नाही. काही भागांमध्ये  पर्यटकांसाठी शौचालयाची गरज असूनही ती गरज उपलब्ध करून देण्यात आलेली नाही.

शिरोडा वेळागर येथे ताज ग्रुपचा पंचतारांकित हॉटेलचा प्रकल्प उभारण्याचा शासनाने करार केलेला आहे. मात्र या भागांमध्ये अरुंद रस्ते आणि पायाभूत सुविधांचा अभाव असल्याने पर्यटकांची मोठी धांदल उडत आहे. सिंधुदुर्ग जिल्ह्यतील सागरी किनारे स्वच्छ आणि सुंदर असल्याने या ठिकाणी मोठय़ा प्रमाणात पर्यटक आहेत येत आहेत.

सिंधुदुर्ग जिल्हा गोव्यापेक्षा पर्यटनासाठी विलोभनीय अचंबित करून टाकणाऱ्या पर्यटनासाठी खुणावत असताना महाराष्ट्र राज्य पर्यटन महामंडळ आणि शासनाच्या उदासीन धोरणामुळे याठिकाणी पर्यटकांना मोठे मनस्ताप सहन करावे लागत असल्याचे चित्र आहे. सागरी किनाऱ्यावर सुट्टीच्या काळात पर्यटकांची मोठय़ा प्रमाणात गर्दी होत असून अरुंद रस्त्यामुळे पर्यटकांच्या वाहनांना अपघात देखील होत आहेत. त्यामुळे महाराष्ट्र शासन व राज्य पर्यटन महामंडळाने पायाभूत सुविधा निर्माण करण्यासाठी लक्ष द्यावे अशी मागणी करण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 24, 2021 10:50 pm

Web Title: lack of infrastructure in marine tourism in sindhudurg district zws 70
Next Stories
1 Coronavirus- राज्यात दिवसभरात २ हजा ७५२ नवे करोनाबाधित, ४५ रुग्णांचा मृत्यू
2 आम्ही देखील याच देशाचे आहोत, आमचीही जनगणना करा…- पंकजा मुंडे
3 इतक्यात तरी शरद पवार करोना प्रतिबंधक लसीचा डोस घेणार नाहीत, कारण…
Just Now!
X