दापोली विधानसभा मतदारसंघातून निवडून आलेले राष्ट्रवादी काँग्रेसचे आमदार संजय कदम यांना सरकारी कामात अडथळा आणि बेकायदा जमाव जमवल्याच्या आरोपावरून न्यायालयाने एक वर्ष सक्तमजुरीची शिक्षा ठोठावली आहे. या निकालामुळे कदम यांची आमदारकी धोक्यात येण्याची शक्यता आहे.
जुलै २००५ मध्ये झालेल्या अतिवृष्टीमुळे शेतकऱ्यांचे झालेले नुकसान भरून देण्यात दप्तर दिरंगाई होत असल्याबद्दल जाब विचारण्यासाठी ते कार्यकर्त्यांसह तहसीलदार कार्यालयात गेले होते. तेथे तत्कालीन प्रांताधिकारी प्रवीण गेडाम यांनी कदम यांच्या आक्षेपांना उत्तर देण्याचा प्रयत्न केला; पण त्यामुळे समाधान न झालेल्या कदम यांनी गेडाम यांच्यावर खुर्ची उगारून हल्ल्याचा प्रयत्न केला, तसेच त्यांच्याबरोबर आलेल्या कार्यकर्त्यांनीही तेथे गोंधळ व आरडाओरडा केला, अशीतक्रार गेडाम यांनी पोलिसांकडे नोंदवली होती.
संग्रहित लेख, दिनांक 3rd Dec 2015 रोजी प्रकाशित
संजय कदम यांची आमदारकी धोक्यात?
या निकालामुळे कदम यांची आमदारकी धोक्यात येण्याची शक्यता आहे.
Written by रत्नाकर पवार
Updated:
First published on: 03-12-2015 at 00:55 IST
मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Mla sanjay kdam post may refuse