पुणे-सातारा राष्ट्रीय महामार्गावरील वाई तालुक्यातील वेळे येथे एका तरुणाचा खून झाल्याचे मंगळवारी सकाळी उघडकीस आले. खून झालेल्या व्यक्तीची ओळख अद्याप पटलेली नाही. राष्ट्रीय महामार्गावर वेळे गावाच्या हद्दीमध्ये संबंधित तरुणाचा खून झाल्याचे दिसून आले. ही व्यक्ती पुणे जिल्ह्यातील असण्याची शक्यता पोलीसांनी वर्तविली आहे. याप्रकरणी सातारा पोलीस अधिक तपास करीत आहेत.
