31 May 2020

News Flash

संदीप सावंत यांना मारहाण हे शिवसेनेचे षडयंत्र – नारायण राणे

संदीप सावंत यांना कसलीच मारहाण झालेली नाही

माजी खासदार नीलेश राणे, त्यांचा स्वीय सहायक तुषार व अंगरक्षकाने संदीप सावंत यांना बेदम मारहाण केल्याचा प्रकार गेल्या आठवड्यात उघडकीस आला.

काँग्रेसचे चिपळूण तालुका अध्यक्ष संदीप सावंत यांना झालेली मारहाण हे शिवसेनेचे षडयंत्र असल्याचा आरोप काँग्रेस नेते नारायण राणे यांनी सोमवारी चिपळूणमध्ये केला. ठाण्यातील शिवसेना पदाधिकारी आणि पोलिसांनी मिळून हे षडयंत्र रचले असल्याचे त्यांनी म्हटले आहे. त्याचबरोबर संदीप सावंत यांना कसलीच मारहाण झालेली नाही, असाही दावा त्यांनी केला.
माजी खासदार नीलेश राणे, त्यांचा स्वीय सहायक तुषार व अंगरक्षकाने संदीप सावंत यांना बेदम मारहाण केल्याचा प्रकार गेल्या आठवड्यात उघडकीस आला. या हल्ल्यात संदीप हे गंभीर जखमी झाले त्यांच्यावर ठाणे जिल्हा शासकीय रुग्णालयात उपचार करण्यात आले. रत्नागिरी येथील मराठा आरक्षण मेळाव्याला अनुपस्थित राहिल्याच्या कारणावरून नीलेश राणे यांनी ही मारहाण केल्याचा आरोप असून, या प्रकरणी ठाणे नगर पोलिसांनी अपहरण व मारहाणीचा गुन्हा दाखल करून तो चिपळूण पोलीस ठाण्यात वर्ग केला. त्या पार्श्वभूमीवर नारायण राणे सोमवारी चिपळूणमध्ये आले होते.
पत्रकार परिषदेत ते म्हणाले, संदीप सावंत यांची रुग्णालयात जाऊन मी भेट घेतली होती. त्यांच्या अंगावर कुठेही मारहाणीच्या खुणा दिसत नाहीत. त्यांना मुंबईत मारहाण झाल्याचा दावा करण्यात येतो आहे. मग त्यांनी ठाण्यामध्ये जाऊन का तक्रार दिली. हे संपूर्ण प्रकरण खोट्या माहितीवर आधारित असून, आपल्या विरोधकांनी रचलेले आहे, असा दावा त्यांनी केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 2, 2016 6:22 pm

Web Title: narayan rane alleges shivsena in sandeep sawant issue
टॅग Narayan Rane
Next Stories
1 राज्यातील ५० लाख घरे ‘एलईडी’ने उजळली
2 ध्वजारोहणाला पालकमंत्री गैरहजर
3 किडनी प्रत्यारोपणाने शिवप्रियाची नवीन पहाट
Just Now!
X