News Flash

जेजुरीत खंडोबाच्या खंडोबागडावर घटस्थापना चंपाषष्ठी उत्सवास प्रारंभ

आज सकाळपासूनच खंडोबाच्या दर्शनासाठी गर्दी

जेजुरीच्या खंडोबा गडावर आज चंपाषष्ठी उत्सवाला सुरुवात झाली.सकाळी अकरा वाजता खंडोबा गडातील नवरात्र महालात वेद मंत्राच्या घोषात खंडोबा-म्हाळसा देवीच्या मूर्तींची घटस्थापना करण्यात आली.मार्गशीर्ष शुध्द प्रतिपदा ते षष्ठी पर्यंत हा उत्सव साजरा होत आहे.रविवारी चंपाषष्ठी आहे.उत्सवानिमित्त खंडोबा मंदिराला विविधरंगी फुलांची सजावट करण्यात आली आहे तर ऐतिहासिक गडाला आकर्षक विद्युत रोषणाई केल्याने सारा गड उजळला आहे.

येवला येथील कापसे परिवाराने अर्पण केलेल्या पैठण्या म्हाळसादेवी,बाणाईदेवी मूर्तींना परिधान करण्यात आल्या.मुख्य मंदिरातील पाकाळणी,पूजा-अभिषेक झाल्यानंतर उत्सवमूर्ती सनई-चौघड्याच्या वाद्यांमध्ये नवरात्र महालात आणण्यात आल्या.यावेळी सदानंदाचा येळकोट असा जयघोष करित भंडार्‍याची उधळण करण्यात आली.

 

 

आज गडावर घटस्थापनेसाठी भीष्माचार्यजी महाराज,विश्वस्त संदीप जगताप,राजकुमार लोढा,पंकज निकुडे,ग्रामस्थ मंडळाचे अध्यक्ष गणेश आगलावे,पुजारी प्रशांत सातभाई,चेतन सातभाई,मिलिंद सातभाई,संजय आगलावे,दिनेश बारभाई,राजाभाऊ चौधरी,माऊली खोमणे,कृष्णा कुदळे,जालिंदर खोमणे,हरिभाऊ लांघी आदी उपस्थित होते.वेदमूर्ती शशिकांत सेवेकरी यांनी पौरोहित्य केले.

पूजारी सेवक अन्नदान मंडळाच्यावतीने भाविकांसाठी गडावर दररोज भोजन प्रसादाची व्यवस्था करण्यात आली आहे.महाराष्ट्रात मार्गशीर्ष शुध्द प्रतिपदा म्हणजे देवदीवाळी ते षष्टी या काळात घरोघरी नवरात्र उत्सव साजरा केला जातो.मणिमल्ल दैत्याचा संहार करण्यासाठी शंकराने या काळात मार्तंड भैरवाचा अवतार घेतल्याची आख्यायिका आहे.त्यामुळे या दिवसाला धार्मिक दृष्टया फार महत्व आहेत.आज सकाळपासून खंडोबाच्या दर्शनासाठी भाविकांची गर्दी झाली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 15, 2020 9:22 pm

Web Title: navratra starts in jejuri khandoba scj 81
Next Stories
1 आज राज्यात ४ हजार ३९५ रुग्णांना डिस्चार्ज, रिकव्हरी रेट ९३.६० टक्के
2 स्टॅलिनप्रमाणे मोदींनी शेतकऱ्यांच्या रक्ताने स्वतःचे हात रंगू नयेत-राजू शेट्टी
3 मराठा आरक्षणाच्या बाबतीत सरकार गोंधळलेल्या अवस्थेत-फडणवीस
Just Now!
X