पेण खोपोली मार्गावर गागोदे फाटा येथे एसटी बस आणि गॅस वाहून नेणारा टँकर यांच्यात झालेल्या अपघातात दोघांचा जागीच मृत्यू झाला आहे. तर २० जण जखमी आहेत. रघुनाथ म्हात्रे व दिनेश खेडेकर अशी मृतांची नावे आहेत. जखमींवर पेणच्या ग्रामीण रुग्णालयात तसेच अलिबागच्या जिल्हा रुग्णालयात उपचार सुरू आहेत . आज रविवारी सकाळी पावणे नऊ वाजण्याच्या सुमारास हा अपघात झाला . एस टी बस खोपोलीहुन पेणकडे निघाली होती त्याचवेळी समोरून येणारा गॅसवाहक टँकर अनियंत्रित झाला तो थेट एस टी बसला घासत जाऊन पुढे रस्त्यावर कलंडला . यात एस टी बसचा उजव्या बाजूचा पत्रा कापला गेला . आणि बस रस्त्याच्या बाजूला कलंडली . अपघातानंतर या मार्गावर वाहतुकीची कोंडी झाली . दोन्ही बाजूला वाहनांच्या लांबचलांब रांगा लागल्या होत्या
