नागपुरातल्या इतवारी भागातील औषध व्यावसायिक विनोद रामाणी यांनी गळफास लावून घेत आत्महत्या केली. विनोद रामाणी हे यशस्वी व्यावसायिक होते. रविवारच्या दिवशी ही घटना घडली आहे. याप्रकरणी पोलिसांनी अकस्मात मृत्यूची नोंद केली आहे. विनोद रामाणी हे नागपुरातले यशस्वी व्यावसायिक होते. त्यांनी आत्महत्या केल्याने नागपुरातल्या व्यवसाय जगतात खळबळ उडाली आहे. त्यांच्या राहत्या घरीच त्यांनी आत्महत्या केली. रामाणी यांनी आत्महत्या का केली? याचं कारण अद्याप स्पष्ट झालेले नाही. गेल्या काही दिवसांपासून त्यांना आर्थिक चणचण भासत होती. त्यामुळे ते निराश झाले होते, नैराश्यातूनच त्यांनी हे कृत्य केलं असं त्यांच्या ओळखीतल्या काही जणांनी म्हटलं आहे. रविवारी दुपारी आम्हाला रमाणी यांच्या घरुन फोन आला, फोनवर आम्हाला रमाणी यांनी गळफास घेतल्याचे सांगण्यात आले. आम्ही घटनास्थळी पोहचलो आणि त्यांचा मृतदेह खाली उतरवला असे पोलिसांनी म्हटले आहे.
