24 November 2020

News Flash

निरंतर संघर्षाची प्रेरणा त्यांच्याकडूनच मिळाली -राज ठाकरे

प्रबोधकारांच्या कार्याला दिला उजाळा

महाराष्ट्र नवनिर्माण सेनेचे अध्यक्ष राज ठाकरे. (संग्रहित छायाचित्र)

के.सी. ठाकरे अर्थात प्रबोधकार ठाकरे यांची आज पुण्यतिथी आहे. यानिमित्तानं महाराष्ट्र नवनिर्माण सेनेचे अध्यक्ष राज ठाकरे यांनी प्रबोधकारांच्या स्मृतींना उजाळा देत अभिवादन केलं आहे. राज ठाकरे यांनी ट्विट करत प्रबोधकरांच्या शिकवणीची आठवण करून दिली.

राजकीय नेते, सामाजिक क्षेत्रात काम करणाऱ्या मान्यवरांकडून प्रबोधकार ठाकरे यांच्या स्मृतींना उजाळा देत अभिवादन केलं जात आहे. मनसेचे अध्यक्ष राज ठाकरे यांनीही ट्विट करून प्रबोधकारांच्या आठवणी सांगितल्या.

“जिथे जिथे अन्याय दिसेल तिथे तिथे तुमची लाथ बसलीच पाहिजे’ ही शिकवण आमचे आजोबा प्रबोधनकार केशव सीताराम ठाकरे यांची. ‘उक्ती आणि कृती’ यांचा उत्तम मेळ कसा असावा, हे आजोबांच्या आयुष्याकडे बघितलं की लक्षात येतं. लोकहितवादी, आगरकर आणि महात्मा ज्योतिबा फुलेंच्या समाजसुधारणांना पुढे नेणारे ते निडर समाजसुधारक होते. पाखंडी मानसिकता, अनिष्ट रूढी, जाती-व्यवस्था ह्या विरोधात दोन हात करण्यासाठी त्यांनी वक्तृत्व, लेखन आणि प्रत्यक्ष कृती ही शस्त्रं वापरली,” असं राज ठाकरे यांनी म्हटलं आहे.

“पुढे वय झालेलं असताना देखील त्यांनी संयुक्त महाराष्ट्र चळवळीत सक्रिय सहभाग घेतला. या चळवळीतील विविध पक्षांना, विचारधारांना एकत्र बांधून ठेवणं निव्वळ त्यांनाच शक्य होतं. कुठल्याही चुकीच्या गोष्टीच्या विरोधात संघर्ष करताना त्यांचं वय कधीच आड आलं नाही आणि त्याच ताकदीने ते आसूड ओढत राहिले. निरंतर संघर्षाची प्रेरणा त्यांच्याकडूनच मिळाली आहे. आजोबांच्या स्मृतीस विनम्र अभिवादन,” अशा शब्दात राज ठाकरे यांनी प्रबोधकारांना अभिवादन केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 20, 2020 12:14 pm

Web Title: prabodhankar thackeray raj thackeray prabodhankar thackeray death anniversary bmh 90
Next Stories
1 भाजपा राज्यव्यापी वीज बिल होळी आंदोलन करणार – चंद्रकांत पाटील
2 आशय चांगला… यशोमती ठाकूर यांच्याकडून अमृता फडणवीसांच्या गाण्याचं कौतुक
3 “ठाकरे सरकार हे देशातले एकमेव राज्य सरकार असेल ज्यांनी…”; वीज बिलांवरुन भाजपा नेत्याचा हल्लाबोल
Just Now!
X