News Flash

शिवसेनेला महाराष्ट्रात आव्हान दिलं तर गाडून टाकू-रामदास कदम

अमित शाह यांच्या टीकेला रामदास कदम यांचं उत्तर

राज्यात अडीच-अडीच वर्ष मुख्यमंत्रिपद वाटून घेण्याच्या अटीवरच युती झाली असून भाजपाने तसे न केल्यास शिवसेना युती तोडेल, असा दावा शिवसेना नेते आणि पर्यावरण मंत्री रामदास कदम यांनी केला आहे.

महाराष्ट्रात येऊन कोणीही शिवसेनेला आव्हान दिल तर आम्ही त्याला गाडून टाकू असा इशारा शिवसेनेचे नेते रामदास कदम यांनी दिला आहे. अमित शाह यांच्या लातूरच्या वक्तव्यावर प्रतिक्रिया देताना रामदास कदम यांनी हा इशारा दिला. मोदींची लाट असताना महाराष्ट्रात शिवसेनेचे ६३ आमदार निवडून येणार आले आहेत, आता तर त्यांचं काहीच नाही असाही टोला कदम यांनी लगावला.

रामदास कदमांनी जे वक्तव्य केलं आहे त्यावरून शिवसेना आणि भाजपा यांच्यातला वाद किती टोकाला गेला आहे ते दिसून येते आहे. राज्यात युती झाली तर ठीक नाहीतर विरोधीयोंको पटक देंगे असा इशारा भाजपाचे राष्ट्रीय अध्यक्ष अमित शाह यांनी दिला होता. त्याच टीकेला आता रामदास कदम यांनी झणझणीत उत्तर दिलं आहे. अमित शाह या ज्या सभेत बोलले तिथेच मुख्यमंत्री देवेंद्र फडणवीस यांनीही स्वबळाचा नारा दिला होता. लोकसभा निवडणुका तोंडावर आहेत, अशात शिवसेना आणि भाजपामधला वाद पुन्हा समोर आला आहे. लोकसभेच्या ४८ जागांपैकी ४० जागा जिंकण्याची तयारी ठेवा असेही आवाहन मुख्यमंत्र्यांनी केले होते. आता आम्हाला आव्हान देणाऱ्यांना गाडून टाकू असा इशाराच रामदास कदम यांनी दिला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 8, 2019 7:53 pm

Web Title: ramdas kadam gave harsh answer to amit shah on his yuti remark
Next Stories
1 मराठी साहित्य संमेलनाध्यक्षा अरुणा ढेरे यांना भालचंद्र मुणगेकरांचं खुलं पत्र
2 एफआरपीसाठी आर्थिक मदतीचा विषय आता पंतप्रधानांकडे, मोदी सोलापुरात घोषणा करणार?
3 ‘आज आम्ही मंत्रालयात अडवलं, उद्या ही जनताच अडवेल’
Just Now!
X