News Flash

अखेर नऊ महिन्यांनंतर नागपुरात शाळा सुरु; नियमावलीचं होतंय कडक पालन

नियमावलीचे काटेकोर पालन करण्याची मुख्याध्यापकांची ग्वाही

नागपूर : तब्बल ९ महिन्यांनंतर नागपूरात पुन्हा शाळा सुरु झाल्या आहेत.

करोनाच्या उद्रेकामुळं स्थगित करण्यात आलेल्या राज्यातील शाळा अखेर नऊ महिन्यांनंतर सोमवारपासून सुरु झाल्या. नागपूरमध्ये ९ वी आणि १० वीच्या वर्गातील विद्यार्थांसाठी शाळा सुरु करण्यात आल्या आहेत. करोनाचं संकट अद्यापही संपलं नसल्याने संसर्ग रोखण्याच्या दृष्टीने शाळांमध्ये नियमांची काटेकोर अंमलबजावणी करण्यात येत आहे.

शाळांमध्ये गर्दी होऊन संसर्ग वाढण्याचा धोका निर्माण होऊ नये म्हणून शासनाने केवळ ९ वी आणि १० वीचेच वर्ग सुरु करण्यास परवानगी दिली आहे. त्यातही फिजिकल डिस्टंसिंगचे पालन करणे बंधनकारक असून प्रत्येक विद्यार्थ्यांच्या शरिराच्या तापमानाची नोंदही केली जात आहे. वर्गात प्रत्येक बाकावर एकच विद्यार्थ्याला बसण्यास परवानगी देण्यात आली आहे. तसेच प्रत्येकाच्या तोंडाला मास्क लावणे बंधनकारक करण्यात आलं आहे.

दरम्यान, “प्रशासनानं घालून दिलेल्या नियमावलींचे आम्ही योग्य प्रकारे पालन करण्याचा प्रयत्न करु,” असं या शाळेच्या मुख्याध्यापकांनी म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 4, 2021 2:49 pm

Web Title: school finally started in nagpur after nine months the rules are strictly followed aau 85
Next Stories
1 सत्ता पणाला लावायची की नाही, हे शिवसेनेनं ठरवावं; चंद्रकांत पाटलांकडून कोंडीत पकडण्याचा प्रयत्न
2 कंगनाचं अभिनंदनच करायला पाहिजे कारण, महाराष्ट्रद्रोही भाजपा…; कंगना-उर्मिला वादात रोहित पवारांची उडी
3 ‘तो’ प्रस्ताव दिल्लीत का रखडला हे भाजपाने जनतेला सांगावं; संजय राऊतांचा थेट सवाल
Just Now!
X