अडीचशे रुपयांसाठी विद्यार्थ्याला धावत्या रेल्वेतून फेकले

दहा ते बारा तरुणांनी धावत्या ट्रेनमधून खाली फेकल्यानंतर जखमी अवस्थेतील साबीरने रिक्षातून खंडेराव येथील त्याच्या काकांचे घर गाठले आणि घडलेला सर्व प्रकार त्यांना सांगितला. साबीरच्या डोक्याला व तोंडाला गंभीर दुखापत झाली असून त्याच्यावर जिल्हा रूग्णालयात उपचार सुरू आहेत़.

साबीर हा लालबाग येथील उर्दू शाळेत दहावीच्या वर्गात शिक्षण घेत आह़े. आई-वडील, भाऊ व बहीण असा त्याचा परिवार असून त्याचे वडील बहाणपूर रेल्वे स्थानकावर शितपेये विक्रीचे दुकान लावतात़. साबीर त्याच्या जळगावमधील खंडेरावनगर येथे राहणाऱ्या काकांची भेट घेण्यासाठी बहाणपूर रेल्वे स्थानकावरून तात्पीगंगा एक्स्प्रेसमध्ये बसला होता. त्यावेळी १० ते १२ तरुणांनी त्याला अमानुष मारहाण केली.