News Flash

“सरकारला शंभर दिवस पूर्ण होऊनही…”; सुप्रिया सुळेंनी व्यक्त केली अजित पवरांसंदर्भातील खंत

रोहा येथील कार्यक्रमात बोलताना सुप्रिया सुळेंनी साधला निशाणा

सुप्रिया सुळे आणि अजित पवार

राज्यामधील महाविकासआघाडी सरकारला नुकतेच शंभर दिवस पूर्ण झाले. त्यानिमित्त मुख्यमंत्री उद्धव ठाकरे यांनी आयोध्येला जाऊन प्रभू रामांचे दर्शनही घेतले. मात्र शंभर दिवस पूर्ण झाल्यानंतरही एक गोष्ट होऊ शकली नाही याबद्दल राष्ट्रवादी काँग्रेसच्या खासदार सुप्रिया सुळे यांनी खंत व्यक्त केली आहे. ही खंत व्यक्त करताना त्यांनी त्यांचे बंधू आणि राज्याचे उपमुख्यमंत्री अजित पवार यांचाही उल्लेख केला आहे.

रोहा येथे आयोजित करण्यात आलेल्या राष्ट्रवादी काँग्रेसच्या जिल्हास्तरीय मेळाव्यामध्ये बोलताना सुळे यांनी आधीच्या सरकारमधील मंत्र्यांना टोला लगावला. “उपमुख्यमंत्री अजित पवार यांना मंत्रालयामध्ये भेटायला जायचं असेल तर ते अशक्य आहे. अजित पवार सकाळी सात वाजताच मंत्रालयामध्ये पोहचलेले असतात. दरवाजे उघडणाऱ्यांच्या आधीच दादा तिथे हजर असतात. याचे कारण म्हणून अजूनही आमच्या भावा सरकारी बंगला मिळालेला नाही,” असं सुळे यांनी सांगितलं.

“सरकार येऊन १०० दिवस उलटून गेले पण दादाला घर मिळालं नाही. आम्हाला तत्वज्ञान शिकवणारे बंगले सोडण्यास तयार नाही. त्यामुळेच आमच्या मंत्र्यांना बंगलेच मिळत नाही,” असा टोला सुळे यांनी भाजपाच्या मंत्र्यांना लगावला आहे.

भाजपा सरकारच्या काळामध्ये अर्थमंत्री असणाऱ्या सुधीर मुनगंटीवार यांना शासकीय निवासस्थान म्हणून मलबारमधील देवगिरी बंगला देण्यात आला होता. महाविकास आघाडीचे सरकार येऊन शंभर दिवस उलटल्यानंतरही मुनगंटीवार यांनी देवगिरी बंगला सोडलेले नाही. त्यामुळे अजित पवार हे सध्या चर्चगेट परिसरातील एका इमारतीमध्ये वास्तव्यास आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 9, 2020 12:37 pm

Web Title: supriya sule unhappy with the fact that ajit pawar didnt got the gov bungalow scsg 91
Next Stories
1 पवार साहेब, या विद्यार्थ्यांचा जीव वाचवा; व्हिडीओ पोस्ट करून केली विनंती
2 मनसेचं संभाव्य शॅडो कॅबिनेट, नांदगावकरांकडे गृह तर सरदेसाईंकडे अर्थ; अमित ठाकरेंवर कोणती जबाबदारी ?
3 “….म्हणून मी राष्ट्रवादी पक्ष सोडला”, पहिल्यांदाच गणेश नाईक यांची कबुली