News Flash

साखर सहसंचालक कार्यालयात ‘स्वाभिमानी’चे आंदोलन; निवेदन फाडून अधिकार्‍यांच्या अंगावर भिरकावले

पोलिसांच्या हस्तक्षेपामुळे तणाव निवळला

उस उत्पादक शेतकऱ्यांच्या विविध मागण्यासाठी स्वाभिमानी शेतकरी संघटनेने सोमवारी कोल्हापूर प्रादेशिक साखर सहसंचालक कार्यालयात आंदोलन केले. यावेळी समाधानकारक उत्तर न मिळाल्याने संतप्त कार्यकर्त्यांनी निवेदन फाडून साखर संचालकांच्या अंगावर भिरकावले. मात्र वेळीच पोलिसांनी हस्तक्षेप केल्याने वाद टळला.

२०१७-१८ या उस गाळप हंगामामधील थकीत प्रती टन २०० रुपये मिळावेत, तीन टप्यात देयके देण्याचे ऊस करार रद्द करुन नव्याने करार करावेत, स्वाभिमानीची ऊस परिषद झाल्याशिवाय कारखान्यांना गाळप परवाने देऊ नयेत, यासह अन्य मागण्यासाठी स्वाभिमानी शेतकरी संघटनेने सोमवारी प्रादेशिक साखर सहसंचालक कार्यालयावर आंदोलन केले. त्यांनी साखर सहसंचालक एन .आर. निकम यांच्याशी चर्चा केली. यावेळी समाधानकारक उत्तर न मिळाल्याने संतप्त कार्यकर्त्यांनी निवेदन फाडून साखर संचालकांच्या अंगावर भिरकावले. शिवाय, जोरदार घोषणाबाजी देखील करण्यात आली. यानंतर पोलिसांच्या हस्तक्षेपामुळे तणाव निवळला.

निकम यांनी कारखान्यांना नोटीसीद्वारे सूचना करण्यात येईल असे आश्‍वासन दिले. आंदोलनात स्वाभिमानीचे प्रदेशाध्यक्ष प्रा. जालंदर पाटील, जिल्हाध्यक्ष जनार्दन पाटील, युवा आघाडीचे सागर शंभू शेटे, जिल्हा अध्यक्ष वैभव कांबळे यांच्यासह शेतकरी सहभागी झाले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 28, 2020 7:48 pm

Web Title: swabhimani sanghatana agitation in the office of the joint director of sugar msr 87
Next Stories
1 निर्बंध असताना लातूर जिल्ह्यात उघडलं मंदिर; व्यवस्थापनाला पाठवली नोटीस
2 भागवताचार्य वा.ना.उत्पात यांचे करोनामुळे निधन
3 राज्यातील रेस्टॉरंट लवकरच होणार सुरू; मुख्यमंत्री ठाकरे यांनी दिले संकेत
Just Now!
X