लोणावळ्यात मुंबई-पुणे द्रुतगती मार्गावर टेम्पोला भीषण आग लागली आहे. सकाळी सात वाजता ही आग लागली होती. टेम्पो मुंबईहून पुण्याला जात असताना ही आग लागली. सुदैवाने आगीत कोणतीही जीवितहानी झालेली नाही. तसंच आगीवर नियंत्रण मिळण्यात यश आलं आहे. VIDEO: मुंबई-पुणे द्रुतगती मार्गावर टेम्पोला भीषण आग pic.twitter.com/xgjVeRWYA5 — LoksattaLive (@LoksattaLive) June 21, 2018 टेम्पो मुंबईहून पुण्याला जात असताना लोणावळ्याजवळ येताच त्यात अचानक आग लागली. टेम्पोला आग लागल्याने बांधकामासाठी वापरण्यात येणारं साहित्य, प्लास्टिक, लादी साफ करण्याचे केमिकल आणि इतर किंमती साहित्य जळून खाक झाले आहे. आगीमुळे काही वेळासाठी वाहतुकीवर परिणाम झाला होता. दरम्यान आगीवर नियंत्रण मिळण्यात यश आलं असून कोणतीही जीवितहानी झालेली नाही.