News Flash

जालन्यामध्ये तलावात बुडून तीन मुलींचा दुर्देवी मृत्यू

घनसावंगी तालुक्यातील मच्छिंद्र चिंचोली येथे लघुसिंचन तलावावर या १५ ते १७ वयोगटातील सहाही मुली कपडे धुण्यासाठी गेल्या होत्या.

प्रातिनिधिक छायाचित्र.

घनसावंगी तालुक्यातील मच्छिंद्र चिंचोली येथे (जि. जालना) कपडे धुण्यासाठी तलावात गेलेल्या सहा मुलींपैकी तीन मुलींचा बुडून दुर्देवी अंत झाला. ही घटना आज (दि.२० मे) सकाळी अकाराच्या सुमारास घडली. या घटनेमुळे गावामध्ये हळहळ व्यक्त करण्यात येत आहे. सोमित्रा सातपुते (वय १२), संगीता रणमळे (वय १५) आणि जना रणमळे (वय १८) असे मृत्युमुखी पडलेल्या मुलींची नावे आहेत.

घनसावंगी तालुक्यातील मच्छिंद्र चिंचोली येथे लघुसिंचन तलावावर या १५ ते १७ वयोगटातील सहाही मुली कपडे धुण्यासाठी गेल्या होत्या. धुणी धुतल्यानंतर या मुलींनी तलावात पोहायला सुरुवात केली. तलावात खदानी असल्याने त्यातील गाळात त्या फसल्या. त्यामुळे त्यांनी जीव वाचवण्यासाठी आरडाओरड सुरू केली. त्यांचा आक्रोश ऐकून काही मुलांनी त्यांना वाचवण्याचा प्रयत्न केला. त्यातील तीन मुलींना वाचवण्यात त्यांना यश आले. मात्र सोमित्रा सातपुते, संगीता रणमाळे आणि जनाबाई रणमाळे यांना वाचवता आले नाही. कल्याणी खोसे, मनीषा रणमाळे आणि ज्योती हेमके ही वाचलेल्या मुलींची नावे आहेत. याप्रकरणी पोलिसांनी गुन्हा दाखल केला असून अधिक तपास करत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 20, 2018 10:17 pm

Web Title: three girls have died due to drowning in a lake in jalna
Next Stories
1 छगन भुजबळ सोशल मीडियावर सक्रिय; समर्थकांचे मानले आभार
2 आता आमदारकी लढवणार, देशातील पहिल्या तृतीयपंथी सरपंच ज्ञानेश्वर कांबळेंची घोषणा
3 विवेक- ऐश्वर्याच्या लग्नाला नागराज मंजुळे का राहिले उपस्थित?
Just Now!
X