लो चली मै.अपनी देवर की बारात लेके.हे हम आपके है कौन चित्रपटातील गाणं आपण कित्येकदा ऐकलं असेल. माधुरी दिक्षित आणि सलमान खानला रेणूका शहाणेने दिलेल्या शुभेच्छा आपल्या आजही लक्षात आहेत. आता आपल्या जवळच्या व्यक्तीचे लग्न म्हटल्यावर त्या लग्नाबाबत आपल्याला असणारा उत्साह आणि या सोहळ्यात आपण केलेले सेलिब्रेशन सर्वांच्या कायमच लक्षात राहते. असाच एका वहिनीचा व्हिडिओ सध्या सोशल मीडियावर मोठ्या प्रमाणात व्हायरल होत आहे. यामध्ये वहिनी आपला दिर आणि होणाऱ्या जावेचे डान्स करत जंगी स्वागत करत असल्याचे दिसत आहे. या वहिनींचे नाव आहे सखी थरवळ. फेसबुकवर ९ लाखांहून अधिक जणांनी हा व्हिडिओ पाहिला असून ११ हजारांहून अधिक जणांनी तो शेअर केला आहे. आगाऊपणा निव्वळ टाइमपास या फेसबुकपेजवरुन हा व्हिडिओ शेअर करण्यात आला असून त्यावर १ हजारहून अधिक जणांनी कमेंटस केल्या आहेत. वहिनी असावी तर अशी अशी टॅगलाईन देत हा व्हिडिओ शेअर करण्यात आला आहे. यामध्ये एक महिला आपल्या दिराच्या लग्नात त्याला आणि त्याच्या होणाऱ्या बायकोला स्टेजवर घेऊन जात असल्याचे दिसते. हा व्हिडिओ मुंबईतील असून त्याचे नेमके ठिकाण समजलेले नाही. इतकेच नाही स्टेजवर गेल्यावर ती या नवरदेवाला आपल्याला नमस्कारही करायला लावते आणि त्यालाही आपल्यासोबत डान्स करायला लावते. त्यामुळे मोठ्या वहिनीचे आपल्या दिराबद्दल असणारे प्रेम यानिमित्ताने दिसले आहे. अशाप्रकारे वहिनीने आपला लग्नसोहळा खास बनविला तर तो उपस्थितांच्याही लक्षात राहीलच यात शंका नाही. चला तर मग पाहूया या अनोख्या वहिनीचा लग्नातला डान्स.