29 May 2020

News Flash

वानखेडेनगर, विशालनगरला नवीन जलवाहिनीचे काम सुरू

शहराच्या वानखेडेनगर व विशालनगर भागात युद्धपातळीवर नवीन जलवाहिनी टाकण्याचे काम सुरू झाले आहे. येथे १०० एमएमची नवीन डीआय जलवाहिनी टाकण्यात येत आहे. या भागात पाण्याची

| June 11, 2015 01:20 am

शहराच्या वानखेडेनगर व विशालनगर भागात युद्धपातळीवर नवीन जलवाहिनी टाकण्याचे काम सुरू झाले आहे. येथे १०० एमएमची नवीन डीआय जलवाहिनी टाकण्यात येत आहे. या भागात पाण्याची तीव्र टंचाई आहे. कैसर कॉलनी गल्ली नं. १ मध्येही २२ मीटर लांब १०० एमएमची नवीन डीआय जलवाहिनी टाकण्यात येणार आहे, या भागातही तीव्र पाणीटंचाई आहे.
‘एसीडब्ल्यूयूसीएल’कडून गेल्या १ जूनपासून हायड्रोलिक मॉडेल आधारित नवीन जलवाहिनी टाकण्याचे काम सुरू आहे. हे काम पूर्ण झाल्यानंतर लगेचच इतर भागातही काम करण्यात येईल. दरम्यान, शिवाजीनगर डी सेक्टर भागात सुरू करण्यात आलेले काम पूर्ण होऊन नवीन जलवाहिनीतून बुधवारी पाणीपुरवठा सुरू करण्यात आला. या ठिकाणी १०० एमएमची १२४ मीटर जलवाहिनी टाकण्यात आली. त्यामुळे सुमारे ५० घरांना याचा फायदा झाल्याचे देखभाल-दुरुस्ती विभागाने म्हटले आहे.
दरम्यान, एन ११ येथे स्मशानभूमीसमोर ५०० एमएम व्यासाची मुख्य जलवाहिनीची गळती दुरुस्त करण्यात आली. या वाहिनीचा वापर हरसिद्धी व हर्सूल जलकुंभ भरण्यासाठी करण्यात येतो. त्यामुळे हे जलकुंभ वेळेत भरण्यात मदत होईल. ग्राहकांना तक्रारी निवारण करण्यासाठी सरळ संपर्क साधता यावा, म्हणून ६ ग्राहक सेवा केंद्रे आहेत. आठवडय़ाचे सातही दिवस २४ तास सेवा उपलब्ध असणाऱ्या ०२४०-६६५५००० या क्रमांकावर ग्राहक संपर्क साधू शकतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 11, 2015 1:20 am

Web Title: work start of new water pipeline to wankhede nagar vishal nagar
टॅग Aurangabad
Next Stories
1 वॉटर युटिलिटी कंपनी कार्यालयास एमआयएम नगरसेवकांकडून कुलूप
2 मनमाड-मालेगाव रस्त्यावर विचित्र अपघात ८ ठार, ९ जण जखमी
3 ‘पैसे दुप्पट’ करणाऱ्या  योजनांचा सुकाळ!
Just Now!
X