पुण्याच्या हिंजवडीमधील इन्फोसिस कंपनीच्या कार्यालयात एका तरुणीचा मृतदेह आढळला आहे. मृतावस्थेत सापडलेली तरुणी इन्फोसिसमध्येच काम करत होती. मृत तरुणीचे नाव रसीला राजू ओपी असल्याचे समजते आहे. मृत तरुणी मूळची केरळची रहिवासी होती. हिंजवडीच्या फेज २ मध्ये असलेल्या इन्फोसिसच्या कार्यालयात रविवारी रात्री उशिरा तरुणीचा मृतदेह आढळला. 'मृत तरुणीचे नाव रसीला राजू ओपी आहे. ही तरुणी इन्फोसिसमध्ये काम करत होती,' अशी माहिती हिंजवडी पोलीस ठाण्याच्या सहाय्यक पोलीस आयुक्त वैशाली माने यांनी दिली आहे. याप्रकरणी हिंजवडी पोलिसांनी ३०२ अंतर्गत गुन्हा दाखल केला असून प्रकरणाचा अधिक तपास सुरू करण्यात आला आहे.
